മുന്നണി രൂപീകരിക്കാനായി തന്നെ ഒരു പാർട്ടിയും സമീപിച്ചിട്ടില്ല , പ്രതികരിച്ച് എച്ച്ഡി കുമാരസ്വാമി

ബെംഗളുരു: കർണാടക തിരഞ്ഞെടുപ്പ് ഫലം പുറത്തു വരുമ്പോൾ തൂക്കുമന്ത്രിസഭയുടെ സാധ്യത ഒട്ടും തള്ളിക്കളയാനാകില്ല. ജെഡിഎസ്15 ഇടങ്ങളിൽ ലീഡ് ചെയ്യുന്നുണ്ട്. എന്നാൽ മുന്നണി രൂപീകരിക്കാനായി തന്നെ ഒരു പാർട്ടിയും സമീപിച്ചിട്ടില്ലെന്ന് ജെഡിഎസ് നേതാവ് എച്ച്ഡി കുമാരസ്വാമി. തങ്ങളുടേത് ഒരു ചെറിയപാർട്ടിയാണെന്നും എല്ലാം ജനങ്ങളാണ് തീരുമാനിക്കുന്നതെന്നും കുമാര സ്വാമി പ്രതികരിച്ചു.

ജനാതാ ദൾ കിംഗ് മേക്കർ അല്ലെന്നും കിംഗ് ആണെന്നായിരുന്നു കുമാരസ്വാമിയുടെ കഴിഞ്ഞ ദിവസത്തെ പ്രതികരണം. എക്‌സിറ്റ് പോൾ ഫലങ്ങളിൽ വിശ്വസിക്കുന്നില്ലെന്നും അദ്ദേഹം പറഞ്ഞിരുന്നു. ഓൾഡ് മൈസൂർ മേഖലയിലാണ് ജെഡിഎസ് പ്രതീക്ഷ അർപ്പിക്കുന്ന ഇടം.

തിരഞ്ഞെടുപ്പിലെ ആദ്യഫലസൂചകൾ പുറത്തുവരുമ്പോൾ. 97 ഇടങ്ങളിൽ കോൺഗ്രസ് ലീഡ് ചെയ്യുകയാണ്, ബിജെപി 100, ജെഡിഎസ് 16 എന്നിങ്ങനെയാണ് ലീഡ് നില. ആദ്യം മുന്നിൽ നിന്ന ബിജെപി ഇപ്പോൾ പിന്നോട്ട് പോയിരിക്കുകയാണ്.