സാവകാശം അനുവദിക്കില്ല ; നാളെ മുതൽ ഹെൽത്ത് കാർഡ് നിർബന്ധം, പിടിവീഴും

ഹോട്ടല്‍ ജീവനക്കാര്‍ക്ക് നാളെ മുതല്‍ ഹെല്‍ത്ത് കാര്‍ഡ് നിർബന്ധം. സംസ്ഥാനത്ത് ഹോട്ടല്‍ ജീവനക്കാര്‍ക്ക്
ഹെല്‍ത്ത് കാര്‍ഡ് നിർബന്ധമാക്കുന്നതിൽ സാവകാശം തേടി ഹോട്ടല്‍ ഉടമകള്‍ സര്‍ക്കാരിനെ സമീപിച്ചിട്ടുണ്ടെങ്കിലും സർക്കാർ ഇത് നിഷേധിച്ചു. സാവകാശം കൊടുക്കുന്നത് ഇതുവരെ ആലോചിച്ചിട്ടില്ലെന്നാണ് ആരോഗ്യവകുപ്പ് മറുപടി നൽകിയത്

ഭക്ഷണത്തിന്‍റെ പാഴ്സലുകളില്‍ തീയതിയും ഉപയോഗിക്കാവുന്ന സമയവും രേഖപ്പെടുത്തും‌ന്നതും നാളെ മുതല്‍ കര്‍ശനമാക്കുന്നു. പാചകതൊഴിലാളികള്‍ ഉള്‍പ്പടെയുള്ള ഹോട്ടല്‍ ജീവനാര്‍ക്ക് നാളെ മുതല്‍ ഹെല്‍ത്ത് കാര്‍ഡ് നിര്‍ബന്ധമാണ്. ഭക്ഷ്യസുരക്ഷാ വകുപ്പിലെ ജീവനക്കാര്‍ക്കൊപ്പം ആരോഗ്യവകുപ്പിലെ ഹെല്‍ത്ത് ഇന്‍സ്പെകടര്‍മാരും ഹെല്‍ത്ത് കാര്‍ഡ് പരിശോധിക്കും.

എന്നാല്‍ ഹോട്ടല്‍ –ബേക്കറി മേഖലകളിലായി ഇരുപത്തിയഞ്ച് ലക്ഷത്തോളം തൊഴിലാളികള്‍ ഇവര്‍ക്കെല്ലാം ഹെല്‍ത്ത് കാര്‍ഡ് ലഭ്യമായിട്ടില്ലെന്നും ഹോട്ടല്‍ ആന്‍റ് റസ്റ്ററന്‍ഡ് അസോസിയേഷന്‍ സര്‍ക്കാരിനെ അറിയിച്ചു . ഫെബ്രുവരി 28 വരെ സാവകാശം വേണമെന്നാണ് ഹോട്ടല്‍ ഉടമകളുടെ ആവശ്യം. എന്നാല്‍ സാവകാശം നല്‍കുന്നതില്‍ സര്‍ക്കാര്‍ തീരുമാനമെടുത്തിട്ടില്ല. വര്‍ഷങ്ങള്‍ക്ക് മുന്‍പ് വന്ന നിയമമാണെന്നും ഇപ്പോള്‍ സാവകാശം ചേദിക്കുന്നതില്‍ അര്‍ഥമില്ലെന്നുമാണ് സര്‍ക്കാര്‍ നിലപാട്

തിരുവനന്തപുരം പാളത്തെ ഒരു ഹോട്ടലിലെ പാഴ്സലില്‍ ഇങ്ങനെയാണ് രേഖപ്പെടുത്തിയിരിക്കുന്നത്. ഭക്ഷണം പാഴ്സല്‍ നല്‍കിയ രണ്ടു മണിക്കൂറിനകം ശുചിത്വമുള്ള പരിസരത്ത് ഇരുന്ന കഴിക്കണം. ഏതുദിവസം ഏതുസമയത്താണ് പാഴ്സല്‍ നല്‍കിതെന്നും രേഖപ്പെടുത്തിയിരിക്കുന്നു. ഇത് നാളെ മുതല്‍ സംസ്ഥാനത്തെ എല്ലാ ഹോട്ടലുകളിലും കര്‍ശനമാക്കും.