തമിഴ്‌നാട്ടില്‍ ആരോഗ്യ അടിയന്തരാവസ്ഥ; കേരളത്തിലും ജാഗ്രതാ നിര്‍ദ്ദേശം

തമിഴ്‌നാട്ടില്‍ ആരോഗ്യ അടിയന്തരാവസ്ഥ പ്രഖ്യാപിച്ചു. കോളറ തമിഴ്‌നാട്ടില്‍ പടര്‍ന്ന് പിടിച്ചതോടെയാണ് ആരോഗ്യ അടിയന്തരാവസ്ഥ പ്രഖ്യാപിച്ചത്. കേരളത്തിലും അതീവജാഗ്രതാ നിര്‍ദ്ദേശം നല്‍കിയിട്ടുണ്ട്.

തിമിഴ്‌നാടിനോട് ചേര്‍ന്ന തിരുവനന്തപുരം, കൊല്ലം, ഇടുക്കി ജില്ലകള്‍ക്കും കാസര്‍കോട്, കണ്ണൂര്‍, കോഴിക്കോട് ജില്ലകളിലുമാണ് അതീവജാഗ്രത നിര്‍ദ്ദേശം നല്‍കിയിരിക്കുന്നത്.

സാംപിള്‍ പരിശോധനയില്‍ കോളറ കണ്ടെത്തിയാല്‍ കര്‍ശന നിയന്ത്രണം എടുക്കുക, വയറിളക്കരോഗ പ്രതിരോധം ശക്തമാക്കുക എന്നിവയാണ് ജില്ലകളില്‍ നടപ്പാക്കുക. മരുന്നുകളുടെ ലഭ്യത ഉറപ്പാക്കുകയും കുടിവെള്ള സ്‌ത്രോതസ്സുകള്‍ ക്ലോറിനേഷനും സൂപ്പര്‍ ക്ലോറിനേഷും നടത്തി സുരക്ഷിതമാക്കണമെന്നും നിര്‍ദ്ദേശിച്ചിട്ടുണ്ട്.