ഹൃദയം നിറഞ്ഞ അഭിനന്ദനങ്ങൾ, തൃശ്ശൂരിലെ വിജയത്തിൽ സുരേഷ്​ഗോപിയ്ക്ക് ആശംസയുമായി മമ്മൂട്ടി

തിരുവനന്തപുരം: ലോക്‌സഭാ തെരഞ്ഞെടുപ്പിൽ വിജയിച്ച സുരേഷ് ഗോപിയ്‌ക്ക് ആശംസയുമായി നടൻ മമ്മൂട്ടി. നിങ്ങളുടെ വിജയത്തിൽ ഹൃദയം നിറഞ്ഞ അഭിനന്ദനങ്ങൾ എന്നാണ് ഫേസ്ബുക്കിൽ മമ്മൂട്ടി കുറിച്ചത്.

തൃശൂരിൽ 4,12,338 വോട്ടുകളാണ് സുരേഷ് ഗോപി നേടിയത്. 74,686 വോട്ടിന്റെ ഭൂരിപക്ഷത്തിലായിരുന്നു ജയം. മണ്ഡലത്തിലെ പ്രജാ ദൈവങ്ങൾക്കും പാർട്ടി പ്രവർത്തകർക്കും നന്ദി. ഈ വിജയത്തോടെ വരുന്ന തെരഞ്ഞെടുപ്പുകളിൽ ബിജെപി കേരളത്തിൽ ശക്തമായ സ്വാധീനം ചെലത്തുമെന്ന് സുരേഷ് ഗോപി പറഞ്ഞു.

തൃശൂരിലെ കറ തീർന്ന മതേതര വോട്ടുകളാണ് തനിക്ക് കിട്ടിയത്. ഒരു വർഗീയ പ്രചാരണവും താൻ നടത്തിയിട്ടില്ല. പാർട്ടിയുടെ നല്ല അനുസരണയുള്ള പ്രവർത്തകനും എംപിയും ആയിരിക്കുമെന്നും അദ്ദേഹം കൂട്ടിച്ചേർത്തു.