സംസ്ഥാനത്ത് അതിശക്ത മഴ, 10 ജില്ലകളിൽ യെല്ലോ അലർട്ട്

തിരുവനന്തപുരം: കേരളത്തിൽ വരും ദിവസങ്ങളിൽ അതി ശക്തമായ മഴക്ക് സാദ്ധ്യത. തിരുവനന്തപുരം, ആലപ്പുഴ, കണ്ണൂർ, കാസർകോഡ് ജില്ലകളിൽ ഓറഞ്ച് അലർട്ടും മറ്റു 10 ജില്ലകളിൽ യെല്ലോ അലർട്ടുമാണ് പ്രഖ്യാപിച്ചിരിക്കുന്നത്. ഇടിമിന്നൽ ജാഗ്രതാ നിർദ്ദേശവും പുറപ്പെടുവിച്ചിട്ടുണ്ട്.

ബംഗാൾ ഉൾക്കടലിലും അറേബ്യൻ സമുദ്രത്തിലും ഇരട്ട ന്യൂനമർദ്ദം രൂപപ്പെട്ട സാഹചര്യത്തിലാണ് മഴ ശക്തമാകാൻ കാരണം. തിരുവനന്തപുരത്ത് ഇന്നലെ പെയ്യാൻ തുടങ്ങിയ മഴ ഇന്നും പെയ്തുകൊണ്ടിരിക്കുകയാണ്. തീരദേശത്തും മലയോര പ്രദേശങ്ങളിലും അതി ശക്തമായ മഴയാണ് പെയ്യുന്നത്.

മത്സ്യ തൊഴിലാളികൾ കടലിൽ പോകുന്നതിനു വിലക്ക് ഏർപ്പെടുത്തിയിട്ടുണ്ട്. വരുന്ന 5,6 ദിവസത്തേക്ക് മഴ നീണ്ടു നിൽക്കുമെന്നാണ് കാലാവസ്ഥാ വകുപ്പിന്റെ നിരീക്ഷണം.