ബെംഗളൂരുവിൽ അപ്രതീക്ഷിത പെരുമഴ, കാര്‍ വെള്ളക്കെട്ടില്‍ മുങ്ങി യുവതി മരിച്ചു

ബെംഗളുരു : ബെംഗളൂരുവിൽ കനത്ത മഴയിൽ കാര്‍ വെള്ളക്കെട്ടില്‍ മുങ്ങി യുവതി മരിച്ചു. നിയമസഭയ്ക്കു സമീപമുള്ള കെ.ആര്‍.സര്‍ക്കിളിലെ അടിപ്പാതയിലെ വെള്ളക്കെട്ടില്‍കാർ മുങ്ങുകയായിരുന്നു. . വെള്ളക്കെട്ടിന്റെ ആഴം മനസിലാക്കാതെ കാര്‍ ഇറക്കിയതാണ് അപകടത്തിന് കാരണമായത്. ഹൈദരാബാദ് സ്വദേശിനി ബാനുരേഖ (23) ആണു മരിച്ചത്.

ഇന്‍ഫോസിസ് ജീവനക്കാരിയായ ബാനു, കുടുംബസമേതം ഹൈദരാബാദില്‍നിന്നു നഗരത്തിലേക്കു വരുമ്പോഴായിരുന്നു അപകടം. ഉണ്ടായത്. കാറില്‍ കുടുങ്ങിയ മറ്റുള്ളവരെ നാട്ടുകാരും ഫയര്‍ഫോഴ്സുമാണ് രക്ഷപ്പെടുത്തിയത്.

അപകടത്തിൽപ്പെട്ട് ആശുപത്രിയിൽ ചികിത്സയിൽ കഴിയുന്ന ബാനുരേഖയുടെ കുടുംബത്തെ കർണാടക മുഖ്യമന്ത്രി സിദ്ധരാമയ്യ സന്ദർശിച്ചു. യുവതിയുടെ മരണത്തിൽ 5 ലക്ഷം രൂപ നഷ്ടപരിഹാരം നൽകുമെന്നും പരുക്കേറ്റവരുടെ ചികിത്സാച്ചെലവ് സർക്കാർ വഹിക്കുമെന്നും സിദ്ധരാമയ്യ വ്യക്തമാക്കി.