താരപ്രഭ, പ്രവർത്തകർക്കൊപ്പം വിജയം ആഘോഷമാക്കി ഹേമ മാലിനി

ലോക്‌സഭാ തിരഞ്ഞെടുപ്പിൽ വോട്ടുകൾ വാരിക്കൂട്ടി ബോളിവുഡ് താരവും മഥുരയിലെ എൻഡിഎ സ്ഥാനാർത്ഥിയുമായ ഹേമ മാലിനി. ഫലപ്രഖ്യാപനത്തിന് പിന്നാലെ പ്രവർത്തകർക്കൊപ്പം വിജയം ആഘോഷിച്ച് മഥുരയിലെ എൻഡിഎ സ്ഥാനാർത്ഥി ഹേമ മാലിനി. വിന്നിം​ഗ് സർട്ടിഫിക്കറ്റ് സ്വീകരിച്ച ശേഷമാണ് ഹേമ മാലിനി ബിജെപി പ്രവർത്തകരോടൊപ്പം ആഘോഷത്തിൽ പങ്കെടുത്തത്.

ഫലപ്രഖ്യാപനം ഇന്നലെ കഴിഞ്ഞെങ്കിലും ഇന്ന് രാവിലെ തന്നെ ആഘോഷങ്ങൾക്ക് തുടക്കമിട്ടിരിക്കുകയാണ് ബിജെപി നേതാക്കൾ. രണ്ട് ലക്ഷത്തിലധികം വോട്ടുകളുടെ ഭൂരിപക്ഷം നേടിയാണ് ഹേമ മാലിനി വിജയം നേടിയത്. ഇൻഡി സഖ്യത്തിലെ മുകേഷ് ധൻകർ, ബഹുജൻ സമാജ് പാർട്ടിയുടെ സുരേഷ് സിം​ഗ് എന്നിവരായിരുന്നു ഹേമ മാലിനിയുടെ എതിരാളികൾ.

വോട്ടെണ്ണൽ അവസാന ലാപ്പിലേക്ക് കടന്നതോടെ രണ്ടര ലക്ഷത്തിലധികം വോട്ടുകൾക്കാണ് ഹേമമാലിനി മുന്നിട്ട് നിന്നത്. എതിർ സ്ഥാനാർഥി കഴിഞ്ഞ രണ്ട് തവണയും ഇവിടെ നിന്നും തിരഞ്ഞെടുപ്പിൽ മത്സരിച്ച് വിജയിച്ചിരുന്നു.

999 ലായിരുന്നു ഹേമമാലിനി രാഷ്ട്രീയ ജീവിതം ആരംഭിച്ചത്. അന്ന് പഞ്ചാബിലെ ലോക്‌സഭാ തിരഞ്ഞെടുപ്പിൽ ഗുരുദാസ്പൂരിൽ നിന്നുള്ള സ്ഥാനാർത്ഥി വിനോദ് ഖന്നയ്ക്ക് വേണ്ടി പ്രചാരണത്തിന് ഇറങ്ങിയിരുന്നു. ഇതോടെയായിരുന്നു ഹേമമാലിനിയുടെ രാഷ്ട്രീയ ജീവിതം ആരംഭിച്ചത്. 2003 ൽ ഹേമമാലിനി രാജ്യസഭയിലേക്ക് നാമനിർദ്ദേശം ചെയ്യപ്പെട്ടു. 2010 ൽ ബിജെപി ജനറൽ സെക്രട്ടറി ആയിരുന്നു. 2011 ൽ വീണ്ടും രാജ്യസഭാംഗമായി.

2014 ൽ ആർഎൽഡി നേതാവ് ജയന്ത് ചൗധരിയെ തോൽപ്പിച്ചുകൊണ്ടായിരുന്നു ഹേമമാലിനി മണ്ഡലത്തിൽ നിന്നുള്ള എംപി ആയത്. പിന്നീട് 2019 ലും ഇത് ആവർത്തിച്ചു. കഴിഞ്ഞ തവണ കുൻവർ നരേന്ദ്ര സിംഗിനെ തോൽപ്പിച്ചുകൊണ്ടായിരുന്നു ഹേമമാലിനി എംപി ആയത്.