ഹൗസ്ബോട്ടിന് തീപിടിച്ചു ; വിനോദസഞ്ചാരികളെ രക്ഷപ്പെടുത്തി

കൊല്ലം: കൊല്ലത്ത് ഹൗസ്ബോട്ടിന് തീപിടിച്ചു. പന്മന കന്നിട്ടക്കടവിലാണ് സംഭവം. ബോട്ടിലുണ്ടായിരുന്ന ജര്‍മന്‍കാരായ മൂന്നു വിനോദസഞ്ചാരികളെയും രണ്ടു ബോട്ട് ജീവനക്കാരെയും രക്ഷപെടുത്തി.

ആലപ്പുഴയില്‍ നിന്ന് കൊല്ലത്തേക്ക് ടിഎസ് കനാലിലൂടെ വരികയായിരുന്ന ഹൗസ്ബോട്ടാണ് കത്തിയമര്‍ന്നത്. നാട്ടുകാരും അഗ്നിശമനസേനയുടെ രണ്ടു യൂണിറ്റും ചേര്‍ന്നാണ് തീയണച്ചത്. തീപിടിക്കാനുണ്ടായ കാരണം വ്യക്തമല്ല.

67 വയസുളള റിച്ചാര്‍ഡ്, 62 വയസുളള ആന്‍ഡ്രിയാസ്, 24 വയസുളള വാലന്റൈന്‍ എന്നിവരാണ് ബോട്ടിലുണ്ടായിരുന്ന വിനോദസഞ്ചാരികള്‍. ഇവർക്ക് പരിക്കുകളില്ലെന്നാണ് വിവരം