ഇലന്തൂരില്‍ നരബലി ആദ്യത്തെ സംഭവമല്ല; കാല്‍ നൂറ്റാണ്ട് മുന്‍പ് നാലര വയസ്സുകാരിയെ ചുട്ടുകൊന്നു

പത്തനംതിട്ട. ഇലന്തൂരില്‍ നരബലി ഇതിന് മുമ്പും ഉണ്ടായിട്ടുണ്ടെന്ന് റിപ്പോര്‍ട്ടുകള്‍. കാല്‍ നൂറ്റാണ്ട് മുമ്പാണ് ഇത്തരത്തില്‍ ഒരു നരബലി ഇലന്തൂരില്‍ നടന്നതെന്നാണ് വിവരം. അന്ന് കാമുകിക്ക് വേണ്ടി നാലര വയസ്സുകാരിയെ ചുട്ടുകൊല്ലുകയായിരുന്നു. 1997ല്‍ നാലരവസുകാരിയായ അശ്വനിയാണ് നരബലിക്ക് ഇരയായത്.

കാമുകിയെ വിവാഹം കഴിക്കാന്‍ വേണ്ടി ഭാര്യയെ അടുത്തു നിര്‍ത്തിയായിരുന്നു ക്രൂരത. അശ്വിനിയെ പീഡിപ്പിച്ച ശേഷം ക്രൂരമായി കൊലപ്പെടുത്തി എന്നാണ് കേസ്.
ഇലന്തൂര്‍ പൂക്കോട് കണിയാംകണ്ടത്തില്‍ ഡോ. ശശി രാജ പണിക്കര്‍ (46), രണ്ടാം ഭാര്യ കുരിയന്നൂര്‍ കംപോത്രയില്‍ സുകുമാരിയമ്മ (31), കാമുകി ചേര്‍ത്തല വാറണാട് ചുങ്ക തറയില്‍ സീന (24 ) എന്നിവര്‍ ചേര്‍ന്നാണ് കുട്ടിയെ അതിക്രൂരമായി കൊപ്പെടുത്തിയത്. രണ്ടാം ഭാര്യയിലുണ്ടായ സ്വന്തം മകളെയാണ് ഇയാളന്ന് കൊലപ്പെടുത്തിയത്.

രണ്ടാം ഭാര്യയില്‍ കുട്ടി ജനിച്ചത് മുതല്‍ ഇയാള്‍ പീഡനം ആരംഭിച്ചിരുന്നു. ശരീരമാസകലം മുറിവേല്‍പ്പിച്ചാണ് പീഡനം നടത്തിയത്. ആരും അടുത്തില്ലാത്ത സമയത്ത് കുട്ടിയെ ഉപദ്രവിച്ച് അതിലൂടെ സന്തോഷം കണ്ടെത്തുകയാണ് ചെയ്തിരുന്നത്. ദേവമാസകലം മുറിവേറ്റിട്ടും ചികിത്സിക്കാന്‍ ഇയാള്‍ തയ്യാറായില്ല. കുട്ടിയുടെ ഉച്ചത്തിലുള്ള നിലവിളി കേട്ട് നാട്ടുകാര്‍ പോലീസില്‍ വിവരം അറിയിച്ചതോടെയാണ് സംഭവം പുറംലോകം അറിയുന്നത്. കേസില്‍ ശശി രാജയ്ക്ക് ജീവപര്യന്തവും മറ്റുള്ളവര്‍ക്ക് ജയില്‍ വാസവും ലഭിച്ചു. ഇവര്‍ പുറത്തിറങ്ങിയെങ്കിലും ശശി രാജ ജയിലില്‍ കിടന്ന് രോഗബാധിതനായി മരിച്ചു.