ഐഎഎസ് തലപ്പത്ത് വീണ്ടും അഴിച്ചുപണി, എ.ഗീതയ്ക്ക് ലാൻഡ് റവന്യൂ ജോയിൻറ് കമ്മീഷണറായി നിയമനം, ഹരിത വി. കുമാറിന് വനിത-ശിശുക്ഷേമത്തിന്റെ അധിക ചുമതല

തിരുവനന്തപുരം. ഐഎഎസ് തലപ്പത്ത് വീണ്ടും അഴിച്ചുപണി. പഞ്ചായത്ത് ഡയറക്ടറായിരുന്ന എച്ച് ദിനേശനെ സാമൂഹ്യ നീതി വകുപ്പ് ഡയറക്ടറായി മാറ്റി നിയമിച്ചു.
കോഴിക്കോട് മുന്‍ ജില്ലാ കലക്ടര്‍ എ ഗീതയെ ലാന്‍ഡ് റവന്യൂ ജോയിന്റ് കമ്മീഷണറായി നിയമിച്ചു. ജോയിന്റ് ലാന്‍ഡ് റവന്യൂ കമ്മീഷണറായിരുന്ന അര്‍ജുന്‍ പാണ്ഡ്യനെ ഹൗസിങ് കമ്മീഷണറായും മാറ്റി നിയമിച്ചു. മൈനിങ് ആന്‍ഡ് ജിയോളജി വകുപ്പ് ഡയറക്ടറായ ഹരിത വി കുമാറിന് വനിതാ ശിശുക്ഷേമത്തിന്റെ അധിക ചുമതലയും നല്‍കി.

ചീഫ് സെക്രട്ടറിയുടെ സ്റ്റാഫ് ഓഫീസറായ അർജ്ജുൻ പാണ്ഡ്യന് ഹൗസിംഗ് ബോർഡ് സെക്രട്ടറിയുടെ ചുമതല കൂടി നൽകി. പഞ്ചായത്ത് ഡയറക്ടർ എച്ച്. ദിനേശിന് കേരള സാമൂഹിക സുരക്ഷാ മിഷന്റെ എക്‌സിക്യൂട്ടീവ് ഡയറക്ടറുടെ ചുമതല കൂടി നൽകി.

അതേസമയം കഴിഞ്ഞ ദിവസം ആറ് ജില്ലകളിലെ കളക്‌ടര്‍മാരെ സ്ഥലം മാറ്റിയിരുന്നു. ആലപ്പുഴ, പത്തനംതിട്ട, കൊല്ലം, കണ്ണൂർ, കോഴിക്കോട്, മലപ്പുറം എന്നീ ജില്ലകളിലെ കളക്‌ടർമാർക്കാണ് മാറ്റം. പത്തനംതിട്ട കളക്‌ടറായിരുന്ന ദിവ്യ എസ് അയ്യരെ വിഴിഞ്ഞം പോർട്ട് എംഡിയായി നിയമിച്ചു.