ഷെയ്ൻ ഇനി ഇവിടെ വേണ്ട എന്നായിരുന്നു അവരുടെ തീരുമാനം, ഷെയിനിന്റെ പ്രശ്നങ്ങൾക്ക് കാരണം പറഞ്ഞ് ഇടവേള ബാബു

പുതിയ തലമുറയ്ക്ക് പൊതുവായി ഉള്ള ഒരു പ്രശ്നം തന്നെയാണ് ഷെയ്‌നിന്റെയുമെന്ന് ഇടവേള ബാബു. ഷെയ്ൻ നിഗമിന് സിനിമാ സംഘടനകൾ വിലക്ക് ഏർപ്പെടുത്തിയപ്പോഴും എല്ലാവരും എതിരുനിന്നപ്പോഴും നടനൊപ്പം നിന്ന് വിലക്ക് പിൻവലിക്കാൻ മുൻകൈ എടുത്ത ആളാണ് ഇടവേള ബാബു. പുതിയ തലമുറയ്ക്ക് പൊതുവായി ഉള്ളപോലെ ജീവിതാനുഭവങ്ങൾ ഇല്ലാത്തതാണ് ഷെയ്‌നിന്റെ പ്രശ്നമെന്നും അദ്ദേഹം പറഞ്ഞു.

ഷെയ്‌നിനോടുള്ള അടുപ്പം അഭിയോടുള്ള അടുപ്പമാണ്. ഒരുപാടു തെറ്റിദ്ധരിക്കപ്പെട്ടിട്ടുള്ള പയ്യനാണ് ഷെയ്ൻ. ജീവാതാനുഭവങ്ങൾ ഇല്ലാത്തതാണ് പ്രശ്നമെന്നും ഇടവേള ബാബു പറഞ്ഞു. ഷെയ്ന്റെ കാര്യത്തിൽ, അവൻ മനസിൽ ചിന്തിക്കുന്നത് ആയിരിക്കില്ല പുറത്തേക്ക് വരുന്നത്. ഷെയ്ൻ പല പ്രശ്‌നങ്ങളുടെയും ഇടയിലാണ് ‘അമ്മ’യിലേക്ക് വരുന്നതും. അത് സോൾവ് ചെയ്ത് വന്നപ്പോഴാണ് അടുത്ത പ്രശ്‌നം. എല്ലാവരും ഒന്നടങ്കം ഷെയ്നിനെ എതിർത്തു. ഷെയ്ൻ ഇനി വേണ്ട എന്നായിരുന്നു നിർമാതാക്കളുടെ സംഘടനയുടെ തീരുമാനം.

എന്നാൽ ഷെയ്‌നിന്റെ ഭാവി തകർക്കണ്ട എന്ന നിലപാടെടുത്തത് ബാബുരാജാണ്. കൃത്യമായി ഗൈഡ്‌ലൈൻസ് കൊടുത്തപ്പോൾ ഷെയ്‌നിന്റെ പ്രശ്നങ്ങൾ എല്ലാം ഇല്ലാതായെന്നും അദ്ദേഹം പറഞ്ഞു.