വിവാഹിതയായ ജനപ്രതിനിധിയുമായി അവിഹിതം; ചെർപ്പുളശേരിക്ക് പിന്നാലെ ആലപ്പുഴയിൽ സിപിഎം ജില്ലാ കമ്മിറ്റി അംഗം ലൈംഗിക വിവാദത്തിൽ

ആലപ്പുഴ: പാർട്ടി ഓഫീസിലെത്തിച്ച് കോളേജ് വിദ്യാർഥിനിയെ പീഡിപ്പിച്ച കേസ് പുറത്തു വന്നതിനു പിന്നാലെ സിപിഎമ്മിനെ വെട്ടിലാക്കി ആലപ്പുഴയിൽ ലൈംഗിക വിവാദം. ജില്ലാ കമ്മിറ്റി അംഗവും ഏരിയാ സെക്രട്ടറിയുമായ സിപിഎം നേതാവാണ് ലൈംഗികാരാപണത്തിൽ പെട്ടിരിക്കുന്നത്. പാർട്ടിയിലെ തന്നെ ജനപ്രതിനിധിയുമായി ജില്ലാ കമ്മിറ്റി അംഗത്തിനുണ്ടായിരുന്ന അവിഹിതമാണ് ഇപ്പോൾ പുറത്തു വന്നിരിക്കുന്നത്.

ഇക്കാര്യം ചൂണ്ടിക്കാട്ടി ജനപ്രതിനിധിയായ യുവതിയുടെ ഭർത്താവ് സിപിഎം നേതൃത്വത്തിനു പരാതി നൽകിയിരുന്നു. എന്നാൽ പരാതി ഒതുക്കി തീർത്ത പാർട്ടി വഴിവിട്ട ബന്ധം കണ്ടില്ലെന്നും നടിച്ചു. ഇതോടെയാണ് ഭർത്താവ് പരാതി പുറം ലോകത്തെത്തിച്ചത്. തന്‍റെ ഭാര്യയുമായി സിപിഎം ജില്ലാ കമ്മിറ്റി അംഗത്തിനുള്ള അവിവിഹത ബന്ധം വ്യക്തമാക്കുന്നതാണ് പരാതി. ഒന്നര വർഷമായി ഇവർ തമ്മിൽ ബന്ധമുണ്ടെന്ന് പരാതിയിൽ പറയുന്നു.

അതേസമയം വനിതാ നേതാവും ജില്ലാ കമ്മിറ്റി അംഗവും തമ്മിലുള്ള അവിഹിത ബന്ധം ആലപ്പുഴയിൽ പാട്ടാണ്. ഭർത്താവിനെ പോലും നോക്കാതെ ഇരുവരും പാർട്ടി ഓഫീസിൽ സമയം ചിലവിടുന്നതും മറ്റും നേരത്തെയും ആക്ഷേപങ്ങൾക്കിടയാക്കിയിരുന്നു. സംഭവം വിവാദമായതോടെ പരാതി ഒതുക്കി തീർക്കാൻ പാർട്ടി നേതൃത്വം ശ്രമം തുടങ്ങിയിട്ടുണ്ട്.