മംഗലപുരം പൊലീസ് സ്‌റ്റേഷനിൽ തൂപ്പുകാരിയൊഴികെ 31 പോലീസ് ഉദ്യോഗസ്ഥർക്കും ഗുണ്ട ബന്ധം, 5 പേർക്ക് കൂടി സസ്പെൻഷൻ

തിരുവനന്തപുരം. മംഗലപുരം പൊലീസ് സ്‌റ്റേഷനിൽ തൂപ്പുകാരിയൊഴികെ 31 പോലീസ് ഉദ്യോഗസ്ഥർക്കും ഗുണ്ട ബന്ധം. ഗുണ്ടാബന്ധത്തിനെ തുടർന്ന് എസ്.എച്ച്.ഒ സജേഷിനു പുറമെ അഞ്ച് പൊലീസുകാരെ കൂടി സ്റ്റേഷനിൽ നിന്ന് സസ്‌പെന്റ് ചെയ്തിട്ടുണ്ട്.

എസ്.എച്ച്.ഒ സജേഷിന് ഗുണ്ടാബന്ധത്തിനെ തുടർന്ന് സസ്‌പെൻഷൻ ലഭിച്ചത് കഴിഞ്ഞദിവസമാണ്. ഇതിനുപുറമേ അനൂപ് കുമാർ. സുധി കുമാർ, ജയൻ, ഗോപകുമാർ, കുമാർ എന്നീ ഉദ്യോഗസ്ഥർക്കാണ് ഇപ്പോൾ സസ്‌പെൻഷൻ. ഗുണ്ട ബന്ധം മണ്ണ് മാഫിയ ബന്ധം അന്വേഷണത്തിൽ തെളിഞ്ഞ തലസ്ഥാനത്തെ മംഗലപുരം പൊലീസ് സ്‌റ്റേഷനിലെ 32ൽ 31 ഉദ്യോഗസ്ഥർക്കെതിരെയും അച്ചടക്ക നടപടി എടുത്തിരിക്കുകയാണ്.

എസ്.ഐയടക്കം 25 പേരെ സ്ഥലം മാറ്റി. ഇതോടെ സ്വീപ്പർ തസ്‌തികയിലുളളവർ മാത്രമാണ് നിലവിൽ സ്‌റ്റേഷനിൽ ബാക്കിയായത്. അച്ചടക്ക നടപടിയിൽ ആറ് പൊലീസ് ഉദ്യോഗസ്ഥർക്കാന് ഒടുവിൽ സസ്‌പെൻഷൻ ഉണടായിരിക്കുന്നത്. റൂറൽ പൊലീസ് സൂപ്രണ്ട് ഡി.ശിൽപയാണ് അച്ചടക്ക നടപടി സ്വീകരിച്ചത്. മാറിയ 25 ഉദ്യോഗസ്ഥർക്ക് പകരം ഉദ്യോഗസ്ഥരെ നിയമിച്ചിട്ടുണ്ട്.