ഇൻഡ്യ സഖ്യത്തിന്റെ പ്രഖ്യാപിത നയം സനാതന ധർമ്മത്തെയും ഭാരതത്തെയും നശിപ്പിക്കുകയെന്നതാണ്, നിർമ്മല സീതാരാമൻ

ന്യൂഡൽഹി. ഇൻഡ്യ സഖ്യം ഭാരതീയർക്കും സനാതന ധർമ്മത്തിനും എതിരാണ്. ഭാരതത്തെയും സനാതന ധർമ്മത്തെയും ഉന്മൂലനം ചെയ്യണമെന്ന് അവർ പറഞ്ഞു കഴിഞ്ഞുവന്ന് കേന്ദ്രമന്ത്രി നിർമല സീതാരാമൻ. സ്വകാര്യ മാദ്ധ്യമത്തിന് നൽകിയ അഭിമുഖത്തിലാണ് കേന്ദ്രമന്ത്രി ഇത് പറഞ്ഞത്.

സനാതന ധർമ്മ വിരുദ്ധത ഡിഎംകെയുടെ പ്രഖ്യാപിത നയമാണ്. സനാതന ധർമ്മത്തിനെതിരായ പ്രതിഷേധമല്ലെന്നും അത്ഉന്മൂലനം ചെയ്യാനുള്ള പ്രതിഷേധമാണെന്നും ഉദയനിധി പറഞ്ഞിട്ടുണ്ട്. ഇൻഡി സഖ്യത്തിലെ ഒരു ഘടകകക്ഷിയും ഉദയനിധിയുടെ പ്രസ്താവനകളെ അപലപിച്ചിട്ടില്ലായെന്നും നിർമല സീതാരമൻ പറഞ്ഞു.

കഴിഞ്ഞ 70 വർഷമായി ഭരണഘടനയെ പരിഹസിക്കുന്നതാണ് ഇവർചെയ്യുന്നത്. ഇത് തന്നെയാണ് ഉദയനിധി സ്റ്റാലിന്റെ പരാമർശത്തിലും വ്യക്തമാകുന്നത്. തമിഴ്‌നാട്ടിലെ ജനങ്ങൾക്ക് ഇത് കൃത്യമായി അറിയാം ഭാഷാതടസ്സം കാരണം രാജ്യം മുഴുവൻ ഇത് എത്തിയില്ല. എന്നാൽ സമൂഹമാദ്ധ്യമങ്ങളുടെ വരവോടെ ഇവരുടെ കള്ളക്കളി പൊളിഞ്ഞു. ഡിഎംകെയുടെ രാജ്യവിരുദ്ധ പരാമർശങ്ങൾ എല്ലാവർക്കും മനസ്സിലായെന്നും കേന്ദ്രമന്ത്രി കൂട്ടിച്ചേർത്തു.