ഇന്ത്യന്‍ വിദ്യാര്‍‌ത്ഥി ആസ്ട്രേലിയയില്‍ കൊല്ലപ്പെട്ടു

ഇന്ത്യന്‍ വിദ്യാര്‍‌ത്ഥി ആസ്ട്രേലിയയില്‍ കൊല്ലപ്പെട്ടു.ഡേറ്റിംഗ് ഓണ്‍ലൈന്‍ സൈറ്റ് വഴി പരിചയപ്പെട്ട യുവതി അറസ്റ്റിൽ.

ഇന്ത്യന്‍ വിദ്യാര്‍‌ത്ഥി ആസ്ട്രേലിയയില്‍ കൊല്ലപ്പെട്ടു. ഡേറ്റിംഗ് ഓണ്‍ലൈന്‍ സൈറ്റ് വഴി പരിചയപ്പെട്ട യുവതി യെ പൊലീസ് അറസ്റ്റ് ചെയ്തു. അക്കൗണ്ടിംഗ് വിദ്യാര്‍ത്ഥിയായ മൗലിന്‍ റാത്തോഡാണ് മരിച്ചത്.

തിങ്കളാഴ്ചയാണ് സംഭവം. പ്രാദേശിക സമയം രാത്രി ഒന്പത് മണിയോടെ റാത്തോഡ് ‌,​ യുവതിയുടെ പടിഞ്ഞാറന്‍ മെല്‍ബണിലെ വീട്ടിലെത്തി. അല്‍പസമയത്തിനകം അടിയന്തര സര്‍വീസിലേക്ക് ഫോണ്‍ സന്ദേശം എത്തി. ആരോഗ്യ പ്രവര്‍ത്തകര്‍ വീട്ടിലെത്തുന്പോള്‍ റാത്തോഡ് ഗുരുതരമായി പരിക്കേറ്റ നിലയിൽ നിലത്ത് കിടക്കുകയായിരുന്നതായാണ് റിപ്പോർട്ട്.വീട്ടില്‍ ഒറ്റയ്ക്കായിരുന്നു യുവതി താമസിച്ചിരുന്നത്. യുവതി തന്നെയാണ് റാത്തോഡിനെ അപായപ്പെടുത്തിയതെന്നാണ് പൊലീസിന്റെ നിഗമനം.വിശദമായ അന്വേഷണത്തിന് ശേഷം ഇവർക്കെതിരെ കൊലക്കുറ്റം ചുമത്തുമെന്ന് പൊലീസ് പറഞ്ഞു.

നാല് വര്‍ഷം മുന്പാണ് പഠനത്തിനായി ആസ്ട്രേലിയയില്‍ എത്തിയത്. അവന്റെ അച്ഛനമ്മമാർ ശരിക്കും തകർന്നുപോയി. “വളരെ സുന്ദരനും തമാശ പ്രകൃതക്കാരനും ക്രിക്കറ്റ് പ്രേമിയുമായിരുന്നു അവൻ. അവനോട് എന്നും ചേർന്ന് നില്ക്കാൻ ഞാൻ ഇഷ്ടപെട്ടിരുന്നു. വളരെ താഴ്ന്ന വ്യക്തിത്വം ഉണ്ടായിരുന്ന അവൻ പഠിക്കാനായി ഒരുപാട് കഷ്ടപെട്ടിരുന്നു. റാത്തോഡിന്റെ സുഹൃത്ത് ഹൻപ്രീതിന്റെ വാക്കുകളാണിത്.