പാത്തുവിന്റെ പുതിയ ചുവടുവെയ്പ്, ആശംസകളുമായി ഇന്ദ്രജിത്തും പൂര്‍ണിമയും

മലയാളികളുടെ പ്രിയപ്പെട്ട താരകുടുംബമാണ് ഇന്ദ്രജിത്തിന്റേത്. ഇന്ദ്രജിത്തിന്റെ ഭാര്യയും നടിയുമായ പൂര്‍ണിമയും മലയാളികള്‍ക്ക് സുപരിചിതരാണ്. ഇവരുടെ മക്കളായ പ്രാര്‍ത്ഥനയും നക്ഷത്രയും പ്രേക്ഷകരുടെ പ്രിയ താരപുത്രിമാരാണ്. നക്ഷത്രയ്ക്ക് അഭിനയത്തിലും പ്രാര്‍ത്ഥനയ്ക്ക് പാട്ടിലുമാണ് പ്രിയം. സോഷ്യല്‍ മീഡിയകളിലൂടെ മക്കളുടെ വിശേഷങ്ങള്‍ ഒക്കെ പങ്കുവെച്ച് ഇരുവരും രംഗത്ത് എത്താറുണ്ട്.

അച്ഛനും അമ്മയും അഭിനയത്തില്‍ തിളങ്ങുമ്പോള്‍ പിന്നണി ഗായികയായി തിളങ്ങുകയാണ് പ്രാര്‍ത്ഥന. മലയാള സിനിമയിലും ബോളിവുഡിലും ഗായിക എന്ന രീതിയിലും പ്രാര്‍ത്ഥന ഗാനം ആലപിച്ചു കഴിഞ്ഞു. ഇപ്പോഴിതാ, തന്റെ പുതിയ ആല്‍ബവുമായി എത്താന്‍ ഒരുങ്ങിയിരിക്കുകയാണ് പ്രാര്‍ത്ഥന. ഇപ്പോള്‍ മകളുടെ ഈ പുതിയ ആല്‍ബത്തിന് അച്ഛനും അമ്മയും ആശംസകള്‍ നേര്‍ന്നിരിക്കുകയാണ്.

സോഷ്യല്‍ മീഡിയയില്‍ ഏറെ സജീവമാണ് പ്രാര്‍ത്ഥന. പാട്ടും ഡാന്‍സും ഡബ്‌സ്മാഷും ഒക്കെയായി താരം ഏറെ സജീവമാണ്. പ്രാര്‍ത്ഥനയുടെ പല ഗാനങ്ങളും വൈറലാണ്. മലയാളം, ഹിന്ദി, ഇംഗ്ലീഷ് തുടങ്ങിയ പാട്ടുകള്‍ പാടിയുളള പ്രാര്‍ത്ഥനയുടെ വീഡിയോകള്‍ക്ക് ആരാധകരും നിരവധിയാണ്. മലയാളത്തില്‍ മോഹന്‍ലാല്‍, ടിയാന്‍, കുട്ടന്‍പിള്ളയുടെ ശിവരാത്രി, ഹെലെന്‍ തുടങ്ങിയ ചിത്രങ്ങളില്‍ പ്രാര്‍ത്ഥന പാടിയിട്ടുണ്ട്. ബിജോയ് നമ്ബ്യാര്‍ സംവിധാനം ചെയ്ത ‘തായ്ഷി’നു വേണ്ടി ‘രേ ബാവ്‌രെ’ എന്ന പാട്ട് പാടിയായിരുന്നു ബോളിവുഡില്‍ പ്രാര്‍ത്ഥനയുടെ അരങ്ങേറ്റം.