കൃഷിക്കാർക്കായി 6.5 ലക്ഷവും വളം സബ്സിഡിക്കായി 10ലക്ഷം കോടിയും ഒരു വർഷം ചിലവാക്കി

കേന്ദ്ര സർക്കാർ ഏറ്റവും കൂടുതൽ പണം ചിലവഴിക്കുന്നത് ആർക്ക് വേണ്ടി. രാജ്യത്തേ കൃഷിക്കാർക്ക് വേണ്ടി തന്റെ സർക്കാർ പ്രതിവർഷം 6.5 ലക്ഷം കോടി രൂപ ചെലവഴിക്കുന്നു എന്ന് പ്രധാനമന്ത്രി നരേന്ദ്ര മോദി.അന്താരാഷ്ട്ര സഹകരണ ദിനത്തോടനുബന്ധിച്ച് പതിനേഴാമത് ഇന്ത്യൻ സഹകരണ കോൺഗ്രസിൽ സംസാരിക്കുകയായിരുന്നു.പരിപാടിയിൽ സംസാരിക്കുകയായിരുന്നു മോദി.2014ൽ അധികാരത്തിൽ വന്നതിനുശേഷം പ്രധാനമന്ത്രി കിസാൻ പദ്ധതി, എംഎസ്പി പ്രവർത്തനങ്ങൾ, വളം സബ്‌സിഡി തുടങ്ങിയ തന്റെ സർക്കാർ ചെയ്ത പ്രവർത്തനങ്ങളും എടുത്തുപറഞ്ഞു.കഴിഞ്ഞ ഒമ്പത് വർഷത്തിനിടെ, കർഷകർക്ക് അവരുടെ ഉൽപ്പന്നങ്ങൾ എംഎസ്പിയിൽ സംഭരിച്ച് 15 ലക്ഷം കോടി രൂപയിലധികം നൽകിയെന്ന് പ്രധാനമന്ത്രി മോദി പറഞ്ഞു.കഴിഞ്ഞ വർഷം വളം സബ്‌സിഡിക്കായി സർക്കാർ 10 ലക്ഷം കോടി ചെലവഴിച്ചതായി അദ്ദേഹം പറഞ്ഞു.

ഇതിനർത്ഥം ഓരോ വർഷവും ഓരോ കർഷകർക്കും ശരാശരി 50,000 രൂപ സർക്കാർ ഏതെങ്കിലും രൂപത്തിലോ മറ്റോ നൽകുന്നുണ്ട് എന്നാണ്‌. ബി.ജെ.പി സർക്കാരിൽ കർഷകർക്ക് ഓരോ വർഷവും 50,000 രൂപ പല തരത്തിൽ ലഭിക്കുമെന്ന് ഉറപ്പ് നൽകിയിട്ടുണ്ട്. ഇത് മോദിയുടെ ഉറപ്പാണ്, തന്റെ സർക്കാർ ചെയ്ത കാര്യങ്ങൾ മാത്രമാണ് താൻ പറയുന്നതെന്നും വാഗ്ദാനങ്ങളെ കുറിച്ച് സംസാരിക്കുക മാത്രമല്ല താൻ ചെയ്യുന്നതെന്നും അദ്ദേഹം കൂട്ടിച്ചേർത്തു.

കിസാൻ സമൃദ്ധി കേന്ദ്രങ്ങൾ കൃഷിയുടെ നവീകരണത്തിന് പ്രേരണ നൽകും.കഴിഞ്ഞ നാല് വർഷത്തിനിടെ പ്രധാനമന്ത്രി കിസാൻ പദ്ധതി പ്രകാരം കർഷകരുടെ ബാങ്ക് അക്കൗണ്ടുകളിലേക്ക് 2.5 ലക്ഷം കോടി രൂപ നേരിട്ട് അയച്ചതായി പ്രധാനമന്ത്രി പറഞ്ഞു.2014-ന് മുമ്പുള്ള അഞ്ച് വർഷത്തെ മൊത്തം കാർഷിക ബജറ്റ് 90,000 കോടി രൂപയിൽ താഴെയായിരുന്നു എന്നതിൽ നിന്ന് ഈ തുക എത്ര വലുതാണെന്ന് നിങ്ങൾക്ക് ഊഹിക്കാനാകും, പ്രധാനമന്ത്രി മോദി പറഞ്ഞു.