ഇറാനിലെ സ്ഫോടനം, മരണം 100 കടന്നു

ടെഹ്റാൻ : ഇറാനിൽ നടന്ന ഇരട്ട സ്ഫോടനങ്ങളിൽമരിച്ചവരുടെ എണ്ണം 100 കടന്നു. മുൻ ഇറാൻ ജനറൽ ഖാസിം സൊലൈമാനിയുടെ നാലാം ചരമവാർഷികത്തോട് അനുബന്ധിച്ച് നടന്ന പരിപാടിയിലാണ് സ്‌ഫോടനം. 2020 ജനുവരിയിൽ ഇറാഖിൽ യുഎസ് നടത്തിയ ഡ്രോൺ ആക്രമണത്തി കൊല്ലപ്പെട്ട ​റിപബ്ലിക്കൻ ഗാർഡ്​ കമാൻഡർ ആയിരുന്ന ഖാസിം സുലൈമാനിയുടെ കെർമാൻ പ്രവിശ്യയിലെ സ്മാരക കുടീരത്തിനടുത്താണ് സ്‌ഫോടനമുണ്ടായത്.

ചരമവാർഷികത്തിൽ ആയിരക്കണക്കിന് പേർ പങ്കെടുത്തിരുന്നു. സ്‌ഫോടനങ്ങൾക്ക് ശേഷമുണ്ടായ തിക്കിലും തിരക്കിലും അകപ്പെട്ട് നിരവധിപ്പേർക്ക് പരിക്കേറ്റിട്ടുണ്ട്. സെമിത്തേരിയിലേക്ക് പോകുന്ന വഴിയിൽ സ്ഥാപിച്ചിരുന്ന ബോംബുകൾ റിമോട്ട് ഉപയോ​ഗിച്ചാണ് പ്രവർത്തിപ്പിച്ചതെന്നാണ് അന്വേഷണ ഉദ്യോ​ഗസ്ഥർ പറയുന്നു. ഇറാനിയൻ സ്റ്റേറ്റ് ടെലിവിഷനാണ് സ്ഫോടനങ്ങൾ റിപ്പോർട്ട് ചെയ്തത്.

ഇറാൻ നടത്തിയ ഭീകരാക്രമങ്ങളുടെ മുഖ്യ സൂത്രധാരനായിരുന്നു കൊല്ലപ്പെട്ട ഖാസിം സുലൈമാൻ. മറ്റു രാജ്യങ്ങളിൽ ഇറാൻ നടത്തിയ ഭീകരാക്രമങ്ങൾക്ക് പിന്നിലും ഇയാൾ തന്നെയാണ്. ഇത്തരത്തിൽ അമേരിക്കക്കെതിരെ ഇറാനിൽ ആക്രമണങ്ങൾ നടത്തിയിരുന്നു സൈനിക ഉദ്യോഗസ്ഥനായിരുന്നു അദ്ദേഹം. ഈ ആക്രമണം നടത്തിയത് ആരുമാകാം അമേരികയോ ഇസ്രയേലോ നാറ്റോ സഖ്യങ്ങളോ ഇതിന് പിന്നിൽ ഉണ്ടാകാമെന്നാണ് വിവരം. ഒരു പക്ഷെ ഇന്ത്യ പോലും ആണോ ഇതിന് പിന്നിൽ എന്ന് പോലും ചർച്ചകൾ നടക്കുന്നുണ്ട്. ഇന്ത്യയുടെ രണ്ട് കപ്പലുകളാണ് ഇറാൻ ആക്രമിച്ചത്.

മരണ സംഖ്യ ഇനിയും ഉയരുമെന്നാണ് റിപ്പോർട്ട്. ഖാസിം സുലൈമാനിയുടെ ചരമവാർഷികവുമായി ബന്ധപ്പെട്ട് പ്രദേശത്ത് നിരവധി ആളുകൾ എത്തിയിരുന്നു. അവർക്കിടയിലാണ് സ്ഫോടനം ഉണ്ടായത്. ഭീകരാക്രമണമാണ് നടന്നതെന്ന് ഗവർണർ മാധ്യമങ്ങളോട് പറഞ്ഞു. ഉദ്യോഗസ്ഥർ പ്രദേശത്ത് നിന്ന് ജനങ്ങളെ ഒഴിപ്പിക്കുകയാണ്.