യഥാർത്ഥ ജീവിത്തിൽ നിക് ജൊനാസ് സ്വര്‍ഗാനുരാഗിയാണോ?

പ്രിയങ്ക ചോപ്രയും നിക് ജൊനാസും ലോകം ഉറ്റുനോക്കുന്ന താരദമ്പതികളാണ്. മാതാപിതാക്കളായതോടെ മകൾ മാൽതി മേരിയോടൊപ്പമുള്ള നിമിഷങ്ങളാണ് ഇവരുടെ ജീവിതം. ജനുവരിയിലായിരുന്നു വാടക ഗർഭപാത്രത്തിലൂടെ പ്രിയങ്ക മകൾക്ക് ജന്മം നൽകിയത്. ഇപ്പോഴിതാ നിക്കിന്‍റെ മുൻ കാമുകി ഒരു അഭിമുഖത്തിൽ പറഞ്ഞ കാര്യങ്ങള്‍ ആണ് ഇപ്പോൾ ചർച്ചയാവുന്നത്.

സ്‌ക്രീം ക്വീൻസ്, കിങ്ഡം എന്നീ സിനിമകളിൽ സ്വവർഗാനുരാഗിയായി അഭിനയിച്ച ഗായകൻ ആണ് നിക്ക്. തന്റെ യഥാർത്ഥ ജീവിത്തിൽ നിക്ക് സ്വര്‍ഗാനുരാഗിയാണോ? എന്ന ചോദ്യമാണ് ചർച്ചയായിരിക്കുന്നത്. നിക്കിന്‍റെ മുന്‍ കാമുകിയും ഗായികയും നടിയുമായ സെലീന ഗോമസ് ഒരു അഭിമുഖത്തിനിടെ ഈ ചോദ്യത്തിനു മറുപടി നൽകിയിരിക്കുന്നത്.

താൻ നിക്കുമായി പ്രണയത്തിലായിരുന്നുവെന്നും ഒരുമിച്ച് കഴിഞ്ഞിട്ടുണ്ടെന്നും എന്നാൽ നിക്ക് സ്വവർഗാനുരാഗിയാണെന്നൊരു തോന്നൽ ഒരുശതമാനം പോലും തനിക്കില്ലെന്നുമാണ് സെലീന മറുപടിയായി പറഞ്ഞിരിക്കുന്നത്.

നിക്കും സെലീനയുമായി ഡേറ്റിംഗ് തുടങ്ങിയത് 2008-ലാണ്. 2009-ൽ ഇവർ വേർപിരിയുകയായിരുന്നു. 2018-ാലായിരുന്നു നടി പ്രിയങ്ക ചോപ്രയും നികുമായി വിവാഹിതരാവുന്നത്. 2017 മുതൽ ഇവർ തമ്മിൽ പ്രണയത്തിലായിരുന്നു.

ബോളിവുഡിൽ നിന്നും ഹോളിവുഡിലേക്കെത്തിയ പ്രിയങ്ക ചോപ്ര, 2000-ൽ മിസ് വേൾഡ് പട്ടം കരസ്ഥമാക്കിയതോടെയാണ് ബോളിവുഡിൽ നിന്നും കോളിവുഡിൽ നിന്നും അവർക്ക് നിരവധി അവസരങ്ങള്‍ എത്തുന്നത്. തുടർന്ന് താരം പ്രൊഫഷൻ തന്നെ അഭിനയ മേഖലയാക്കുകയായിരുന്നു.

2002-ൽ തമിഴൻ എന്ന സിനിമയിലൂടെ അരങ്ങേറ്റം കുറിച്ച താരം ഇതിനകം തമിഴ്, ഹിന്ദി, ഇംഗ്ലീഷ്, മറാത്തി തുടങ്ങി വിവിധ ഭാഷകളിലായി അറുപതിലേറെ സിനിമകളുടെ ഭാഗമായി മാറി. ‘ഇറ്റ്സ് ഓൾ കമിംഗ് ബാക് ടു മീ’ എന്ന ഇംഗ്ലീഷ് സിനിമയാണ് പ്രിയങ്ക ചോപ്രയുടേതായി ഇനി പുറത്തിറങ്ങാനുള്ളത്.