കൊച്ചി: കോടതി ഏര്പ്പെടുത്തിയ സ്റ്റേയ്ക്ക് പിന്നാലെ കടുവ സിനിമയുടെ അണിയറ പ്രവര്ത്തകര്ക്കെതിരെ പരാതിയുമായി ചിത്രത്തിലെ ജൂനിയര് ആര്ടിസ്റ്റുകള്. കടുവയുടെ ഷൂട്ടിംഗ് സെറ്റില് ജൂനിയര് ആര്ട്ടിസ്റ്റുകള്ക്ക് മോശം ഭക്ഷണം നല്കിയെന്നാണ് പരാതി. സിനിമയില് പ്രവര്ത്തിച്ച 35 ഓളം ജൂനിയര് ആര്ടിസ്റ്റുകളാണ് പൊലീസില് പരാതി നല്കിയിരിക്കുന്നത്.
ഒരു ദിവസം 500, 350 രൂപയാണ് പറഞ്ഞിരുന്നത്. എന്നാല് പണം കൃത്യമായി ലഭിച്ചില്ലെന്നും ഇതിനെ തുടര്ന്ന് പലരും സെറ്റില് നിന്നും തിരികെ പോയിട്ടുണ്ടെന്നുമാണ് ആരോപണം. കഴിക്കാന് വളരെ മോശമായ ചപ്പാത്തിയും ഉള്ളിക്കറിയുമാണ് നല്കിയിരുന്നതെന്നും പരാതിയില് പറയുന്നു.സെറ്റിലെ ഭക്ഷണം കഴിച്ച് ഭക്ഷ്യവിഷബാധ ഉണ്ടായെന്നും പറഞ്ഞ വേതനമല്ല നല്കിയതെന്നുമാണ് പരാതി. ജൂനിയര് ആര്ട്ടിസ്റ്റുകളെ ലൊക്കേഷനില് എത്തിച്ച കോര്ഡിനേറ്റര് രഞ്ജിത്ത് ചിറ്റലപ്പള്ളിക്കെതിരെയാണ് കോട്ടയം ഈസ്റ്റ് പൊലീസ് സ്റ്റേഷനില് പരാതി നല്കിയിരിക്കുന്നത്.
എന്നാല് ആരോപണം വാസ്തവ വിരുദ്ധമാണെന്ന് കോര്ഡിനേറ്റര് രഞ്ജിത്ത് ചിറ്റിലപ്പള്ളി പറഞ്ഞു. ലൊക്കേഷനില് ചപ്പാത്തിയല്ല ബിരയാണിയാണ് എല്ലാവര്ക്കും കൊടുത്തതെന്നും അദ്ദേഹം പറഞ്ഞു. കഴിഞ്ഞ ദിവസമാണ് ചിത്രത്തിന് സ്റ്റേ ലഭിച്ചത്.കുരുവിനാല്കുന്നില് കുറുവച്ചന് നല്കിയ ഹരജിയിലാണ് എറണാകുളം സബ് കോടതി ചിത്രത്തിന് താല്ക്കാലിക സ്റ്റേ ഏര്പ്പെടുത്തിയത്.
വിവേക് ഒബ്റോയാണ് ചിത്രത്തിലെ പ്രധാന വില്ലന് കഥാപാത്രത്തെ അവതരിപ്പിക്കുന്നത്. നേരത്തെയും ചിത്രം വിവാദത്തില് ആയിരുന്നു. കുറുവച്ചന്റെ ജീവിതം അടിസ്ഥാനമാക്കി സുരേഷ് ഗോപി ചിത്രവും നേരത്തെ പ്രഖ്യാപിച്ചിരുന്നു.കുറുവച്ചന്റെ ജീവിതം അടിസ്ഥാനമാക്കിയാണ് ചിത്രം ഒരുക്കുന്നത്. എവന്നാല് ചിത്രം തനിക്ക് മാനസിക വിഷമതകള് ഉണ്ടാക്കുമെന്ന് ചൂണ്ടിക്കാട്ടിയാണ് കുറുവച്ചന് ഹരജി നല്കിയത്. സിനിമയുടെ നിര്മാതാക്കളായ സുപ്രിയ മേനോന്, ലിസ്റ്റിന് സ്റ്റീഫന് എന്നിവര്ക്കെതിരെ കോടതി നോട്ടീസ് അയച്ചിട്ടുണ്ട്. ഷാജി കൈലാസ് എട്ട് വര്ഷത്തിന് ശേഷം സംവിധാന രംഗത്തേയ്ക്ക് മടങ്ങിയെത്തുന്ന ചിത്രമായിരുന്നു കടുവ.
തുടര്ന്ന് കടുവയുടെ തിരക്കഥ ഒരുക്കിയ സംവിധായകന് ജിനു എബ്രഹാം കോടതിയെ സമീപിച്ചു. കേസില് കോടതി സുരേഷ് ഗോപി ചിത്രത്തിന് ഇടക്കാല സ്റ്റേ അനുവദിക്കുകയും എറണാകുളം ജില്ലാ കോടതി സ്റ്റേ സ്ഥിരപ്പെടുത്തുകയും ചെയ്തു. കഥാപാത്രത്തിന്റെ പേരടക്കം കടുവയുടെ തിരക്കഥയുടെ എല്ലാ സീനുകളും പ്രത്യേകം രജിസ്റ്റര് ചെയ്തിട്ടുള്ളതായി ഹരജിക്കാര് കോടതിയെ അറിയിച്ചു. ഇതിന്റെ രേഖകളും കോടതിയില് ഹാജരാക്കി. ഇത് പരിഗണിച്ചാണ് സുരേഷ്ഗോപി ചിത്രത്തിന് കോടതി വിലക്കേര്പ്പെടുത്തിയത്.
കഥാപാത്രത്തിന്റെ പേരും തിരക്കഥയും ഉപയോഗിക്കുന്നത് പകര്പ്പവകാശ ലംഘനമാണെന്ന് കോടതി ഉത്തരവില് വ്യക്തമാക്കി. മുളകുപാടം ഫിലിംസിന്റെ ബാനറില് ടോമിച്ചന് മുളകുപാടം നിര്മ്മിക്കുന്ന സുരേഷ് ഗോപി ചിത്രം മാത്യൂസ് തോമസായിരുന്നു സംവിധാനം ചെയ്യാനിരുന്നത്. ഇതിനിടെയാണ് കടുവയ്ക്കും ഇപ്പോള് സ്റ്റേ ലഭിച്ചിരിക്കുന്നത്.
പാറശ്ശാല: കൊച്ചുവേളിയില്നിന്ന് നാഗര്കോവിലിലേക്ക് പോകുകയായിരുന്ന പാസഞ്ചറിന്റെ ശുചിമുറിയിലെ രഹസ്യ അറയില്നിന്ന് 13.5 കിലോ കഞ്ചാവ് പാറശ്ശാല റെയില്വേ പോലീസ് പിടികൂടി.…
കോഴിക്കോട്∙ ജില്ലയിൽ ഒരു കുട്ടിക്കു കൂടി അമീബിക് മസ്തിഷ്ക ജ്വരം സ്ഥിരീകരിച്ചു. തിക്കോടി പള്ളിക്കര സ്വദേശിയായ പതിനാലുകാരനാണ് രോഗം സ്ഥിരീകരിച്ചത്.…
ഹൈന്ദവ കുടുംബങ്ങളിൽ Parenting എന്നത് കൊണ്ട് നല്ല മൂല്യങ്ങൾ, ധാർമ്മികത, സ്വഭാവ ശക്തി, അച്ചടക്കം എന്നിവയ്ക്കൊപ്പം ഹിന്ദു മത പൈതൃകവും…
ലുധിയാന∙ പഞ്ചാബിൽ ശിവസേനാ നേതാവിനെതിരെ പട്ടാപ്പകൽ വധശ്രമം. സിഖ് മതത്തിലെ സായുധ സംഘമായ നിഹാംഗ് വിഭാഗത്തിൽപ്പെട്ടവരാണ് വടിവാൾ ഉപയോഗിച്ച് ആക്രമണം…
നിയമം കൈയിലെടുക്കുന്ന ക്രിമിനലുകളാണ് എസ്എഫ്ഐ എന്ന വിമര്ശനം ആവര്ത്തിച്ച് ഗവര്ണര് ആരിഫ് മുഹമ്മദ് ഖാന്. എസ്എഫ്ഐയുടെ ക്രൂരതകളെക്കുറിച്ച് മാധ്യമങ്ങള് ചോദിക്കുന്നതില്…
ബംഗാളിലെ ഭുലൻപൂർ ഗ്രാമത്തിലെ വയലിൽ രണ്ടാം ലോക മഹായുദ്ധത്തിൻ്റെ ഒരു പൊട്ടിത്തെറിക്കാത്ത ബോംബ് കണ്ടെത്തി.ഝാർഗ്രാം ജില്ലയിലെ ഒരു തുറസ്സായ മൈതാനത്ത്…