‘വല്ലാതെ വേദനിപ്പിച്ചു, ഇനി പ്രഭാസിനൊപ്പം ഞാനില്ല’ – അനുഷ്ക ഷെട്ടി

തെന്നിന്ത്യൻ സിനിമകളിലെ പ്രഭാസിന്റെ ഏറ്റവും നല്ല ഓൺ സ്ക്രീൻ പെയറായാണ് അനുഷ്ക ഷെട്ടി അറിയപ്പെടുന്നത്. ആരാധകരുടെ പ്രിയപ്പെട്ട താര ജോഡിയാണ് പ്രഭാസും അനുഷ്ക ഷെട്ടിയും. ബാഹുബലി എന്ന സിനിമയിലൂടെയാണ് പാൻ ഇന്ത്യൻ തലത്തിൽ പ്രഭാസ് – അനുഷ്ക ഷെട്ടി ജോഡി ശ്രദ്ധ നേടുന്നതെങ്കിലും അതിനും മുൻപ് മുതലേ ഈ ജോഡി തെലുങ്ക് പ്രേക്ഷകർക്കിടയിൽ ഹിറ്റുകൾ വാരിയെറിഞ്ഞ ചരിത്രമാണ് ഉള്ളത്.

ബിഗ് സ്ക്രീനിൽ മികച്ച സ്ക്രീൻ പ്രസൻസുള്ള രണ്ട് പേരും ഒരുമിച്ചെത്തുമ്പോൾ ആരാധകർ ആഘോഷമാക്കുകയാണ് പതിവ്. ഇരുവരും ഓഫ് സ്ക്രീനിലും നല്ല സുഹൃത്തുക്കളാണ്. ബാഹുബലി എന്ന സിനിമയ്ക്ക് ശേഷം ഇരുവരും ഒരുമിച്ച് അഭിനയിച്ചിട്ടില്ല. ബാഹുബലിക്ക് ശേഷം അനുഷ്ക ഷെട്ടി ചുരുക്കം സിനിമകളിലേ അഭിനയിച്ചിട്ടുള്ളൂ. മറുവശത്ത് പ്രഭാസ് പാൻ ഇന്ത്യൻ സൂപ്പർ താരമായി ബി​ഗ് ബജറ്റ് സിനിമകളുടെ ഭാഗമാവുകയായിരുന്നു.

അനുഷ്ക-പ്രഭാസ് പ്രണയം അന്നും ഇന്നും ഒരു പോലെ തുടരുന്ന ​ഗോസിപൂക്കളാണ്. ഇരുവരും ഏറെ നാൾ കടുത്ത പ്രണയത്തിലായിരുന്നെന്നും പിന്നീട് ബന്ധം മുന്നോട്ട് പോയില്ലെന്നുമായിരുന്നു വാർത്തകൾ. എന്നാൽ തങ്ങൾ പ്രണയത്തിലല്ലെന്നാണ് പ്രഭാസും അനുഷ്കയും ഇതേ പാട്ടി പറഞ്ഞിരുന്നത്. പ്രഭാസ് തന്റെ അടുത്ത സുഹൃത്താണെന്നും എന്നാൽ പ്രണയമില്ലെന്നും അനുഷ്ക ഷെട്ടി മുമ്പൊരിക്കൽ പറഞ്ഞിരുന്നതാണ്.

അനുഷ്ക ഷെട്ടിയുമായുള്ള ബന്ധം പ്രഭാസ് ഉപേക്ഷിക്കുകയായിരുന്നെന്നും മറ്റൊരു മുതിർന്ന നടനുമായി അനുഷ്ക അടുത്തതോടെയാണ് ഈ ബന്ധം അവസാനിച്ചതെന്നും കഴിഞ്ഞ ദിവസങ്ങളിലും വാർത്തകൾ ഉണ്ടായി. എന്നാൽ ഇതേക്കുറിച്ച് താരങ്ങൾ പ്രതികരിച്ചിരുന്നില്ല.

ഇപ്പോഴിതാ അനുഷ്കെയയും പ്രഭാസിനെയും കുറിച്ചുള്ള മറ്റൊരു ​വിവരമാണ് തെലുങ്ക് മാധ്യമങ്ങളിൽ പ്രധാന വാർത്തയായിരിക്കുന്നത്. പ്രഭാസിനൊപ്പം ഇനി അഭിനയിക്കില്ലെന്ന തീരുമാനമെടുത്തു അനുഷ്ക ഷെട്ടി. പ്രഭാസിൽ നിന്നും വളരെ വേദനിപ്പിച്ച അനുഭവം അനുഷ്കയ്ക്കുണ്ടായാതായി നടിയുടെ ടീമം​ഗം അറിയിച്ചിരിക്കുന്നത്. എന്താണ് നടന്നതെന്ന് പറയാൻ പറ്റില്ലെന്നും പുറത്ത് വന്ന ട്വീറ്റിൽ പറയുന്നു. പൊതുവെ തന്റെ സ്വകാര്യ ജീവിതത്തെക്കുറിച്ച് അനുഷ്ക എവിടെയും തുറന്ന് സംസാരിക്കാറില്ല. സോഷ്യൽ മീഡിയയിലും അനുഷ്ക സജീവമല്ല എന്നതാണ് ഈ അവസരത്തിൽ ശ്രദ്ധേയം.

പ്രഭാസും സ്വകാര്യത സംരക്ഷിക്കുന്നയാളാണ്. ആദിപുരുഷാണ് പ്രഭാസിന്റെ പുറത്തിറങ്ങാനിരിക്കുന്ന സിനിമ. മിസ് ഷെട്ടി മിസ്റ്റർ പോളിഷെട്ടിയാണ് അനുഷ്ക ഇപ്പോൾ അഭിനയിച്ച് കൊണ്ടിരിക്കുന്ന സിനിമ. പ്രഭാസിന് ആദിപുരുഷിന് പുറമെ സലാർ, പ്രൊജക്ട് കെ എന്നീ സിനിമകളും റിലീസ് ചെയ്യാനുണ്ട്. കരിയറിൽ രണ്ട് പേരും ഇപ്പോൾ നല്ല സമയത്തല്ല ഉളളത്.