കൊടിയ മർദ്ദനം കൊടി സുനി അവശൻ, നടക്കാനും ഇരിക്കാനും കിടക്കാനും വയ്യ, കണ്ണുകൾ വീർത്തു

സിപിഎമ്മിന് വേണ്ടി ഒരു കാലത്ത് നിരവധി ഓപ്പറേഷനുകൾ നടത്തിയ കൊടി സുനി അവശനിലയിലെന്ന് റിപ്പോർട്ട്. ടിപി വധക്കേസിലെ പ്രധാന പ്രതിയാണ് കൊടി സുനി. ഇപ്പോൾ കൊടി സുനിക്ക് നടക്കാനോ ഇരിക്കാനോ പറ്റാത്ത അവശ നിലയിലാണെന്നാണ് വിവരം. മലപ്പുറം ജില്ലയിലെ തവനൂർ ജയിലിലാണ് സുനി നിലവിൽ എന്നാണ് വിവരം.

സുനിയുടെ കണ്ണിന്റെ കാഴ്ചയ്ക്ക് സാരമായ പ്രശ്‌നങ്ങൾ ഉണ്ടെന്നാണ് വിവരം. കൊടി സുനിയുടെ ബന്ധുക്കളും സുഹൃത്തുക്കളുമാണ് ഇക്കാര്യം പറയുന്നത്. സുനിയെ നടക്കാനോ സംസാരിക്കാനോ കഴിയാത്ത രീതിയിൽ മർദ്ദിച്ച് അവശാനാക്കി എന്നാണ് പറയുന്നത്. കണ്ണ് തുറന്ന് പിടിച്ച് കണ്ണിൽ മുളുക് പൊടിയിട്ട ശേഷം കണ്ണ് അടച്ച് പിടിപ്പിച്ചു. ഇത് കണ്ണിന്റെ കാഴ്ചയെ ബാധിച്ചുവെന്നാണ് വിവരം.

കണ്ണിൽ മുളക് പൊടിയിട്ട ശേഷം കെട്ടിയിട്ട് മർദ്ദിച്ചുവെന്നാണ് പുറത്തുവരുന്ന വിവരം. ബന്ധുക്കളും സുഹൃത്തുക്കളും ആശുപത്രിയിൽ എത്തുമ്പോൾ 25 ഓളം പോലീസുകാർ മുറിയിലുണ്ടായിരുന്നു. പരിക്കേറ്റ 5 പേരെയാണ് അവിടെ എത്തിച്ചത്. ആശുപത്രിയുടെ തറയിലാണ് ഇവരെ കടത്തിയിരുന്നത്.