ജയ്‌ക്കെ സുകുമാരൻ നായരുടെ മുന്നിൽ കുനിഞ്ഞു നിന്ന ഫോട്ടോ ഒന്നിട്ടാൽ സന്തോഷം

പുതുപ്പള്ളിയിലെ എല്‍.ഡി.എഫ് സ്ഥാനാർത്ഥി ജെയ്ക്ക് സി. തോമസ് മത-സാമുദായിക നേതാക്കളുമായി കൂടിക്കാഴ്ച നടത്തിയത് വാർത്തയായിരുന്നു. ഇപ്പോൾ ബിഷപ്പുമാരുടെ അടുത്ത് ജെയ്ക്ക് സി. തോമസ് എത്തി മുന്നിൽ കുമ്പിടുന്ന ചിത്രം പങ്കുവച്ച് രാമസിംഹൻ ആണ്‌ ചോദ്യം ഉയർത്തുന്നത്.ജയ്‌ക്കെ ഇങ്ങിനെ സുകുമാരൻ നായരുടെ മുന്നിൽ കുനിഞ്ഞു നിന്ന ഫോട്ടോ കൂടി ഒന്നിട്ടാൽ സന്തോഷം

രാമസിംഹന്റെ പോസ്റ്റിന്റെ പൂർണ്ണ രൂപം

ജയ്‌ക്കെ ഇങ്ങിനെ സുകുമാരൻ നായരുടെ മുന്നിൽ കുനിഞ്ഞു നിന്ന ഫോട്ടോ കൂടി ഒന്നിട്ടാൽ സന്തോഷം…

എന്നിട്ട് ഉറക്കെ വിളിക്ക്..

ഞങ്ങളിലില്ലാ ക്രിസ്ത്യൻ രക്തം

ഞങ്ങളിലില്ലാ മുസ്ലിം രക്തം,

ഞങ്ങളിലില്ലാ ഹൈന്ദവ രക്തം,

ഞങ്ങളിലുള്ളത് ഓന്തിൻ രക്തം

സാധാരണ ഇടത് സ്ഥനാർഥികൾ ഇതുപോലെ മത നേതാക്കളേ കണ്ട് വണങ്ങാറില്ല. അതിനു വിപരീതമായാണ്‌ ജേയ്ക്ക് ഇക്കുറി എല്ലാ മത നേതാക്കളേയും നേരത്തേ കണ്ട് വിജയം ഉറപ്പാക്കുന്നത്.എല്ലാവരും മതനിരപേക്ഷത ഉയർത്തിപ്പിടിക്കുന്നവര്‍ എന്ന് പറയുകയും എന്‍.എസ്.എസ് ആസ്ഥാനവും ഓർത്തഡോക്‌സ് അരമനയും, എസ് എൻ ഡി പി ആസ്ഥാനവും എല്ലാം സന്ദർശിച്ചും ജെയ്ക്ക് മുന്നേറുമ്പോൾ ഇടത് മുന്നണി പോലും അന്തവിടുകയാണ്‌.എന്‍.എസ്.എസ് ആസ്ഥാനത്തെത്തിയ ജെയ്ക്കും മന്ത്രി വാസവനും അരമണിക്കൂറോളം നേരം പെരുന്നയിൽ ചെവഴിച്ചിരുന്നു.

പിന്നീട് ഓർത്തഡോക്സ് സഭാ ആസ്ഥാനമായ ദേവലോകം അരമനയിലെത്തി മാത്യൂസ് തൃതീയൻ കാതോലിക്ക ബാവയുടെ അടുത്ത് എത്തിയപ്പോൾ ജെയ്ക്കിന്റെ മത നിരപേക്ഷ നിലപാട് കുനിഞ്ഞ് വളഞ്ഞ് പോയി എന്നും വിമർശനം.യാക്കോബായ സഭാ കോട്ടയം ഭദ്രാസന മെത്രാപൊലീത്തയെയും സന്ദർശിച്ചു. സി.എസ്.ഐ മധ്യകേരള മഹായിടവക ബിഷപ്പ് മലയിൽ സാബു കോശി ചെറിയാനെയും നേരില്‍കണ്ടു.വെള്ളാപ്പള്ളി നടേശനെ കണ്ടും ജെയ്ക്ക് അനുഗ്രഹങ്ങൾ വാങ്ങിച്ചു.