കശ്മീരിൽ രണ്ട് ഭീകരരെ സൈന്യം വധിച്ചു; സിആര്‍പിഎഫ് ജവാന് പരിക്കേറ്റു

ശ്രീനഗർ : ജമ്മു കശ്മീരിൽ രണ്ടു ഭീകരരെ ഏറ്റുമുട്ടലിൽ സൈന്യം വധിച്ചു. കശ്മീരിലെ ത്രാലിലാണ് ഏറ്റുമുട്ടൽ . എറ്റുമുട്ടൽ ഇപ്പോഴും തുടരുകയാണെന്ന് ജമ്മു കശ്മീർ ഡിജിപി എസ്.പി വൈദ് പറഞ്ഞു. ഒരു സിആർപിഎഫ് ജവാന് ഏറ്റുമുട്ടലിൽ പരിക്കേറ്റു.

മൂന്ന് ജെയ്‌ഷെ മുഹമ്മദ് ഭീകരര്‍ പ്രദേശത്തുണ്ടെന്നും ഇവരുമായുള്ള ഏറ്റുമുട്ടല്‍ സൈന്യം തുടരുകയാണെന്നും ജമ്മു കശ്മീര്‍ ഡിജിപി എസ്.പി വൈദ് ട്വിറ്ററിലൂടെ അറിയിച്ചു. ഭീകരര്‍ പ്രദേശത്തുണ്ടെന്ന രഹസ്യ വിവരത്തിന്റെ അടിസ്ഥാനത്തില്‍ നടത്തിയ തിരച്ചിലിനിടെയാണ് ഏറ്റുമുട്ടലുണ്ടായത്.