അശ്വതിക്ക് അവനെ വലിയ രീതിയില്‍ പഠിപ്പിക്കണമെന്നുണ്ടായിരുന്നു പക്ഷേ, കാളിദാസിനെ കുറിച്ച് ജയറാം

മലയാളികളുടെ പ്രിയപ്പെട്ട താര കുടുംബമാണ് ജയറാമിന്റേത്.ജയറാമിന് പിന്നാലെ കാളിദാസ് ജയറാമും സിനിമകളില്‍ വലിയ സജീവമാണ്.കാളിദാസ് ബാലതാരമായി എത്തിയ എന്റെ വീട് അപ്പൂന്റേം എന്ന ചിത്രവും വലിയ വിജയമായിരുന്നു. ഇപ്പോള്‍ കാളിദാസ് സിനിനിമകള്‍ തിരഞ്ഞെടുക്കുന്നത് തന്നോട് ചോജിച്ചിട്ടല്ലെന്ന് വ്യക്തമാക്കിയിരിക്കുകയാണ് ജയറാം.എന്റെ വീട് അപ്പൂന്റേം എന്ന ചിത്രം പോലും കഥ കേട്ട ശേഷം അവന്‍ ഒകെ പറഞ്ഞതാണെന്നും ഇപ്പോഴും അവന് ഇഷ്ടപ്പെട്ട ചിത്രങ്ങളാണ് ചെയ്യുന്നതെന്നും ജയറാം പറയുന്നു.

‘കണ്ണന്‍ ചെയ്യാന്‍ പോകുന്ന സിനിമകളെക്കുറിച്ച് എന്നോട് പറയും.എല്ലാം അവന്‍ തെരഞ്ഞെടുക്കുന്നതാണ്.അവന്റെ തീരുമാനങ്ങളാണ്.സിബി സംവിധാനം ചെയ്ത’എന്റെ വീട് അപ്പൂന്റേം’എന്ന സിനിമ വരെ അവന്‍ കഥ കേട്ട് ഒക്കെ പറഞ്ഞതാണ്.എനിക്കതില്‍ റോള്‍ ഇല്ല.ആ സിനിമയിലൂടെ ദേശീയ പുരസ്‌കാരം വരെ അവന്‍ നേടിയെടുത്തു.ഇപ്പോഴുള്ള സിനിമകളും അവന്‍ തന്നെ കഥ കേട്ട് ഒക്കെ പറയും.അത് തമിഴായാലും,തെലുങ്കായാലും അങ്ങനെ തന്നെയാണ്.ഞങ്ങള്‍ ഒന്നിച്ച് വീട്ടില്‍ കൂടുമ്പോള്‍ സിനിമ സംസാരിക്കാറേയില്ല.ഞാനും അവനും ചെയ്യുന്നത് ഒരേ പ്രൊഫഷനാണ്.അത് കൊണ്ട് സിനിമ സംസാരിക്കുന്നത് ബോറാണ്.ഞങ്ങള്‍ വേറെ കാര്യങ്ങളൊക്കെ സംസാരിച്ചിരിക്കും.കുട്ടിക്കാലം മുതലേ അവന് അഭിനയ മോഹമുണ്ട്.അത് കൊണ്ട് അവന്‍ അശ്വതിയോട് ആദ്യം പറഞ്ഞത്’ഡിഗ്രി വരെ താന്‍ പഠിക്കൂ’എന്നാണ്.അശ്വതിക്ക് അവനെ വലിയ രീതിയില്‍ പഠിപ്പിക്കണമെന്നുണ്ടായിരുന്നു പക്ഷേ അവന്റെ മനസ്സില്‍ സിനിമ തന്നെയായിരുന്നു’.ജയറാം പങ്കുവയ്ക്കുന്നു.