രോഗത്തോടും, ജീവിതത്തോടും തല്‍ക്കാലം… തോല്‍ക്കാന്‍ വയ്യ, വിധി നടപ്പാകും വരെ, ജിന്‍സി ബിനുവിന്റെ വാക്കുകള്‍

കാന്‍സര്‍ എന്ന മഹാമാരിയോട് പൊരുതി ജീവിതം തിരികെ പിടിച്ചവരില്‍ ഒരാളാണ് ജിന്‍സി ബിനു. ഇപ്പോഴും ആ പോരാട്ടം തുടരുകയാണ്. ഫേസ്ബുക്കിലൂടെ തന്റെ ജീവിതാനുഭവങ്ങള്‍ പലപ്പോഴും ജിന്‍സി പങ്കുവെയ്ക്കാറുണ്ട്. ഇതൊക്കെ വളരെയധികം ശ്രദ്ധ നേടാറുമുണ്ട്. ഇപ്പോള്‍ വീണ്ടും ആര്‍ സി സിയിലേക്ക് പോയതിനെ കുറിച്ചാണ് ജിന്‍സി പങ്കുവെച്ചിരിക്കുന്ന കുറിപ്പ്.

2016 ഡിസംബറില്‍ തുടങ്ങി എത്ര തവണ ഞഇഇ പോയി വന്നിട്ടുണ്ടെന്ന് ഓര്‍മയില്ല. അടിപതറുന്ന നോവുകള്‍ അരിച്ചെത്തി പ്രാണവേദനയുടെ എന്തോരം യാത്രകള്‍. ഓരോ യാത്രയിലും പുതിയ പുതിയ പാഠങ്ങള്‍. ഇന്നത്തെ യാത്ര പുതിയ ഒരു പാഠമായിരുന്നു. ഇന്നുവരെ പഠിച്ചതില്‍ നിന്നും വ്യത്യസ്തമായ ഒന്ന്. ഗ്രഹിക്കാന്‍ ഇത്തിരി പ്രയാസപ്പെട്ടു ഇന്ന് അലച്ചിലും, പ്രയാസങ്ങളും പ്രതീക്ഷിച്ചരുന്നു. പക്ഷേ എനിക്കു ചുറ്റും ദൈവത്തിന്റെ ഊര്‍ജ്ജം വലയപ്പെട്ടിരിക്കുന്നുണ്ടെന്ന സത്യം വീണ്ടും വീണ്ടും ബോധ്യപ്പെടുന്നു. ഫയല്‍ എടുക്കാനുള്ള ഫീസ് അടയ്ക്കുന്നത് മുതല്‍ കീമോ വാര്‍ഡില്‍ ഇന്‍ജക്ഷന്‍ ബില്‍ അടയ്ക്കുന്നത് വരെ ഞാന്‍ വിചാരിച്ചിരുന്ന തടസങ്ങളൊക്കെ ആരോ തട്ടികളഞ്ഞതുപോലെ.- ജിന്‍സി കുറിച്ചു.

ജിന്‍സി ബിനുവിന്റെ കുറിപ്പ്, 22/04/2022 Unforgettable day in my life. Most powerful day in RCC. വേദനയാണ്… തളര്‍ച്ചയാണ്. പക്ഷേ തെഴുതാന്‍ ഇതിലേറെ നല്ല സന്ദര്‍ഭമില്ല. ഇന്ന് തറവാട്ടില്‍ പോയി വന്നു. ചെക്കപ്പ് ഇന്‍ജക്ഷന്‍. മരുന്നവല്‍ പൊതിയും കാര്‍ഡിയോളജി റഫറന്‍സ് പറഞ്ഞിട്ടുണ്ട്. പിന്നെ മാസങ്ങളായി ചുമ അലട്ടുന്നതുകൊണ്ട് എമര്‍ജന്‍സി CT സ്‌കാന്‍ പറഞ്ഞിട്ടുണ്ട്. അവിടെ ഡേറ്റ് കിട്ടാന്‍ ലേറ്റാവും. അതോണ്ട്. നാട്ടില്‍ ചെയ്ത് റിസല്‍ട്ടുമായി ഉടനെ അങ്ങട്ട് ചെല്ലണം.

2016 ഡിസംബറില്‍ തുടങ്ങി എത്ര തവണ RCC പോയി വന്നിട്ടുണ്ടെന്ന് ഓര്‍മയില്ല. അടിപതറുന്ന നോവുകള്‍ അരിച്ചെത്തി പ്രാണവേദനയുടെ എന്തോരം യാത്രകള്‍. ഓരോ യാത്രയിലും പുതിയ പുതിയ പാഠങ്ങള്‍. ഇന്നത്തെ യാത്ര പുതിയ ഒരു പാഠമായിരുന്നു. ഇന്നുവരെ പഠിച്ചതില്‍ നിന്നും വ്യത്യസ്തമായ ഒന്ന്. ഗ്രഹിക്കാന്‍ ഇത്തിരി പ്രയാസപ്പെട്ടു ഇന്ന് അലച്ചിലും, പ്രയാസങ്ങളും പ്രതീക്ഷിച്ചരുന്നു.

പക്ഷേ എനിക്കു ചുറ്റും ദൈവത്തിന്റെ ഊര്‍ജ്ജം വലയപ്പെട്ടിരിക്കുന്നുണ്ടെന്ന സത്യം വീണ്ടും വീണ്ടും ബോധ്യപ്പെടുന്നു. ഫയല്‍ എടുക്കാനുള്ള ഫീസ് അടയ്ക്കുന്നത് മുതല്‍ കീമോ വാര്‍ഡില്‍ ഇന്‍ജക്ഷന്‍ ബില്‍ അടയ്ക്കുന്നത് വരെ ഞാന്‍ വിചാരിച്ചിരുന്ന തടസങ്ങളൊക്കെ ആരോ തട്ടികളഞ്ഞതുപോലെ. എനിക്കു വേണ്ടി ആരോ… അവിടെ എല്ലാം പറഞ്ഞേല്‍പ്പിച്ചിരുന്നപോലെ. എനിക്ക്… എന്നോട് തന്നെ വിശ്വാസം തോന്നിയ ദിവസം. രോഗത്തോടും, ജീവിതത്തോടും തല്‍ക്കാലം… തോല്‍ക്കാന്‍ വയ്യ. ‘വിധി’ നടപ്പാകും വരെ… പൊരുതി നോക്കാം. #തോല്‍ക്കുകയാണെന്ന് #പറഞ്ഞപ്പോഴൊക്കെ_നീ_ജയിക്കാന്‍ #ശ്രമിക്കണമെന്ന്_മറുതല_പറയുന്ന #മനസ്സേ_നീയാണെന്റെ_ഹീറോ