ദൈവമുണ്ട് ആകാശങ്ങളിലൊന്നുമല്ല ഇവിടെ ഈ ഭൂമിയിൽ, കീമോക്കിടയിലെ അനുഭവവുമായി ജിൻസി ബിനു

ആർസിസിയിൽ കീമോക്ക് പോയപ്പോഴുള്ള അനുഭവം വെളിപ്പെടുത്തി കാൻസറിനോടു പോരാടുന്ന പോരാളി ജിൻസി ബിനു. അവിട കണ്ട നഴ്സിനെക്കുറിച്ചാണ് സോഷ്യൽ മീഡിയയിൽ ബിൻസി കുറിച്ചത്. ദൈവമുണ്ട് ആകാശങ്ങളിലൊന്നുമല്ല… ഇവിടെ…ഈ ഭൂമിയിൽ യാതൊരു മുൻ പരിചയവും ഇല്ലാതെ… എന്നോട് കരുണ കാണിച്ച…ആ മാലാഖയാണ്… ഇന്നെനിക്ക് കരുത്ത് പകർന്നതെന്ന് പറയുന്നു

കുറിപ്പിങ്ങനെ

RCC പോയി കുത്തും വാങ്ങി വന്നിട്ട്… എവിടേലും മാറി കിടന്നൂടേ…ന്ന് ചോദിക്കരുത്… കിടന്നോണ്ട് എഴുതുന്നതാ ഇതു വിട്ടു കളയാൻ തോന്നുന്നില്ല… അതോണ്ടാ…അങ്ങ് ക്ഷമി സാങ്കേതിക കാരണങ്ങൾ കൊണ്ട്… ഇന്ന്…മനസ് ശരിയല്ലാരുന്നു യാത്ര തുടങ്ങിയ പിന്നെ തല പൊട്ടുന്ന വേദന കൂടെ…വേറെ എന്തൊക്കെയോ ആകെപ്പാടെ… ഒരുമാതിരി ഇഞ്ചി കടിച്ച ഡോക്ടറെ കാണാൻ വെയ്റ്റ് ചെയ്യുമ്പോ…
കപ്പലണ്ടി മിഠായിയും, ഒരു കുഞ്ഞിഫ്രൂട്ടിയും അകത്താക്കുന്നതാ ഇന്ന് അതും വേണ്ട ഡോക്ടറെ കണ്ടു…ചെക്കപ്പ് കഴിഞ്ഞു… ഇൻജക്ഷനു വെയ്റ്റിംഗ് അപ്പോ…ദേ..ചുമ്മാ… കരയാൻ തോന്നുവാ ശരിക്കും…ഉറക്കെ കരയാൻ എന്തോന്നിത്…അതിൽ നിന്നും രക്ഷപ്പെടാൻ മക്കളെ ഫോൺ ചെയ്തു…ജനലിലൂടെ പുറത്തെ കാഴ്ചകൾ കണ്ടിങ്ങനെ….. ഇങ്ങനെ ഇൻജക്ഷനു പേരുവിളിച്ചു…. കീമോ വാർഡിലിരുന്നപ്പോ…

പിന്നേം പിന്നേം കരച്ചിൽ തികട്ടി എന്തോത്തിനാന്നൊന്നും…. എനിക്കറിയില്ല സുന്ദരി നേഴ്സ് വന്നു കാനുല കുത്തി അപ്പുറത്തെ ബെഡിലോട്ട് പോയി… ആ ഒരു ഇടവേള….. കീമോ വാർഡിലെ ഇത്തിരി മുതിർന്ന സ്റ്റാഫ്… തിരക്കിട്ട് പോയ വഴി…അടുത്തുവന്നു…. “മോള് ആഹാരമൊക്കെ കഴിച്ചോ”… തിര്വന്തോരം ഭാഷ പിടികിട്ടാഞ്ഞാണോ…. അപ്രതീക്ഷിതമായ ചോദ്യായോണ്ടാണോ… എനിക്കു മനസ്സിലായില്ല… അപ്പോ…മാലാഖ… ചോദ്യം ആവർത്തിച്ചു… “രാവിലെ കഴിച്ചിട്ടാ വന്നെ”…. “ഇപ്പോ…. സമയം 2 ആകുന്നു… ഇൻജക്ഷനു മുന്നേ… കഴിച്ചിട്ട് വരണം കേട്ടോ….വല്ലാഴിക വന്നാലോ”…. ഇനിയിപ്പോ….ഇറങ്ങീട്ട് കഴിക്ക്… കേട്ടോ…. എന്നും പറഞ്ഞ്…. ൻ്റെ….തലയിൽ തലോടി … മുടിയൊക്കെയൊതുക്കി വച്ചിട്ട്… ഒരു പുഞ്ചിരിയും തന്നങ്ങുപോയി അപ്പഴാ…. ശരിക്കും… വാവിട്ടു കരയാൻ തോന്നീത് അത്ര ആശ്വാസം തോന്നി ആ ഒരു തലോടലിൽ… രണ്ടു വാക്കിൽ “ദൈവമുണ്ട്” ആകാശങ്ങളിലൊന്നുമല്ല… ഇവിടെ…ഈ ഭൂമിയിൽ യാതൊരു മുൻ പരിചയവും ഇല്ലാതെ… എന്നോട് കരുണ കാണിച്ച…ആ മാലാഖയാണ്… ഇന്നെനിക്ക് കരുത്ത് പകർന്നത് അതുപോലെയുള്ള….ഭൂമിയിലെ എല്ലാ മാലാഖമാർക്കും #ഒറ്റപ്പെടുത്താൻ_ആർക്കും_കഴിയും
#ചേർത്തു_നിർത്താൻ_ചിലർക്കേ_കഴിയൂ