ന്യൂഡല്ഹി: ശബരിമല ക്ഷേത്രത്തില് യുവതികള്ക്ക് പ്രവേശനം അനുവദിച്ചു കൊണ്ട് അഞ്ചംഗ ഭരണഘടനാബെഞ്ച് പുറപ്പെടുവിച്ച വിധി ഇപ്പോഴും നിലനില്ക്കുന്നുണ്ടെന്നും യുവതികള്ക്ക് ശബരിമലയില് പ്രവേശിക്കാമെന്നും സുപ്രീംകോടതി ജസ്റ്റിസ് റോഹിംഗ്ടണ് നരിമാന്.
മറ്റൊരു കേസിന്റെ വാദത്തിനിടെയാണ് സോളിസിറ്റര് ജനറല് തുഷാര് മേത്തയോട് ജസ്റ്റിസ് നരിമാന് ഇക്കാര്യം ആവശ്യപ്പെട്ടത്.കോണ്ഗ്രസ് നേതാവ് ഡികെ ശിവകുമാറിന്റെ ജാമ്യം റദ്ദാക്കണം എന്നാവശ്യപ്പെട്ട് എന്ഫോഴ്സ്മെന്റ് ഡയറക്ടറേറ്റ് സമര്പ്പിച്ച ഹര്ജി പരിഗണിക്കുന്നതിനിടെയാണ് ജസ്റ്റിസ് നരിമാന്റെ ഈ പരാമര്ശം.
ശിവകുമാറിനെതിരായ കേസില് എന്ഫോഴ്സ്മെന്റ് ഡയറക്ടറേറ്റിന് വേണ്ടിയാണ് തുഷാര് മേത്ത കോടതിയില് ഹാജരായത്. നരിമാന് അധ്യക്ഷനായ ബെഞ്ചാണ് ശിവകുമാറിന്റെ കേസ് പരിഗണിച്ചത്.കേസിന്റെ നടപടികള്ക്കിടെയാണ് നരിമാന് തുഷാര് മേത്തയ്ക്ക് വാക്കാല് ഈ നിര്ദേശം നല്കിയത്.ശബരിമല കേസില് ഞങ്ങള് ഇന്നലെ നല്കിയ ന്യൂനപക്ഷ വിധി വായിച്ചു വായിച്ചു നോക്കൂ, അതു കളിക്കാന് വേണ്ടി എഴുതി വച്ചതല്ല.
ശബരിമലയിലെ മുന്വിധി മാറ്റമില്ല അതിപ്പോഴും നിലനില്ക്കുന്നുണ്ട്. എന്നാണ് ക്ഷുഭിതനായി കൊണ്ട് ജസ്റ്റിസ് നരിമാന് പറഞ്ഞത്. 2018-ലെ വിധിക്ക് സ്റ്റേ ഇല്ലെന്നും കേസിലെ നിയമപ്രശ്നങ്ങള് വിശാലബെഞ്ച് പരിഗണിച്ച് തീരുമാനമെടുക്കും വരെ പുനപരിശോധന ഹര്ജികള് മാറ്റിവയ്ക്കുന്നതായുമാണ് ഇന്നലത്തെ വിധിയില് സുപ്രീംകോടതിയുടെ അഞ്ചംഗ ബെഞ്ച് വ്യക്തമാക്കിയത്.
ഇന്നലെ ശബരിമല പുനപരിശോധനാ കേസിലെ വിധിയില് യുവതീപ്രവേശനത്തെ അനുകൂലിച്ച് വിധി എഴുതിയത് ജസ്റ്റിസ് റോഹിംഗ്ടണ് നരിമാനും ജസ്റ്റിസ് ഡിവൈ ചന്ദ്രചൂഢുമായിരുന്നു. എന്നാല് സുപ്രീംകോടതി വിധിക്കെതിരായ പ്രക്ഷോഭങ്ങളെ ശക്തമായി നേരിടണമെന്നും ഇരുവരും വിധിയില് എഴുതിയിരുന്നു. വിധി എഴുതി കഴിഞ്ഞ ശേഷം ഒരു കേസില് സുപ്രീംകോടതി ജഡ്ജി പിന്നെയും നിര്ദേശം കൊടുക്കുന്നത് അപൂര്വ്വമായ സംഭവമാണ് എന്നാണ് നിയമവിദഗ്ദ്ധര് ചൂണ്ടിക്കാട്ടുന്നത്.
ശബരിമലക്ഷേത്രത്തിലെ യുവതീപ്രവേശനം, പള്ളികളിലേയും ദര്ഗ്ഗകളിലേയും മുസ്ലീം സ്ത്രീകളുടെ പ്രവേശനം പാഴ്സി ആരാധാനാലയങ്ങളിലേക്കുള്ള സ്ത്രീകളുടെ പ്രവേശനം എന്നീ കേസുകളെല്ലാം തന്നെ വിശാലമായ ബെഞ്ചാണ് പരിഗണിക്കുന്നത്.
ജസ്റ്റിസ് റോഹിംഗ്ടണ് നരിമാന് പാഴ്സി സമുദായത്തിലെ പുരോഹിതന് കൂടിയായതിനാല് ഭിന്നതാത്പര്യം ചൂണ്ടിക്കാട്ടി വിശാല ബെഞ്ചിലേക്ക് അദ്ദേഹത്തെ ഉള് പ്പെടുത്താന് സാധ്യതയില്ലെന്ന് നിയമവിദഗ്ദ്ധര് ചൂണ്ടിക്കാട്ടുന്നു. ഏഴ് ജഡ്ജിമാരായ വിശാലബെഞ്ചാണ് കേസ് പരിഗണിക്കേണ്ടത് എന്ന് അഞ്ചംഗ ഭരണഘടനാ ബെഞ്ച് വിധിച്ചെങ്കിലും ചിലപ്പോള് ഒന്പത് അംഗ ബെഞ്ചിന് മുന്നിലേക്ക് കേസ് എത്തും എന്ന് സൂചനയുണ്ട്.
കൊല്ലം: യുവാവിനെ പ്രണയക്കെണിയില്പ്പെടുത്തി പണവും സ്വര്ണവും മൊബൈല് ഫോണും കവര്ന്ന സംഭവത്തില് യുവതി അടക്കം നാല് പ്രതികള് പൊലീസ് പിടിയിലായി.…
തിരുവനന്തപുരം: സിദ്ധാർത്ഥിന്റെ മരണത്തിൽ സസ്പെൻഷനിലായ ഉദ്യോഗസ്ഥരെ തിരിച്ചെടുത്ത് സർക്കാർ. ആഭ്യന്തര വകുപ്പിലെ എം സെക്ഷനിലെ ഡെപ്യൂട്ടി സെക്രട്ടറി പ്രശാന്ത, സെക്ഷൻ…
തിരുവനന്തപുരം പാറശ്ശാല കോട്ടയ്ക്കകം വാർഡ് ഒന്നിലെ സുനിതയയെ വോട്ട് ചെയ്യാൻ അനുവദിക്കാതെ സിപിഎം പ്രവർത്തകർ. പാറശാല മണ്ഡലത്തിലെ വോട്ടറാണ് സുനിത.…
കൊച്ചി: ചൊവ്വരയിലെ ഗുണ്ടാ ആക്രമണത്തില് പിടിയിലായ അഞ്ച് പ്രതികളുടെ അറസ്റ്റ് രേഖപ്പെടുത്തി.കൂടുതല് പ്രതികള്ക്കായി അന്വേഷണം ഊര്ജ്ജിതമാക്കി. ഗുരുതരമായി പരിക്കേറ്റ മുന്…
ലക്നൗ: ഭാരതീയ ജനതാ പാർട്ടി (ബിജെപി) 2024 ലെ ലോക്സഭാ തെരഞ്ഞെടുപ്പിൽ റായ്ബറേലി സീറ്റിൽ നിന്ന് ദിനേശ് പ്രതാപ് സിങ്ങിനെ…
തിരുവനന്തപുരം മേയര് ആര്യാ രാജേന്ദ്രനും കെ.എസ്.ആര്.ടി.സി ഡ്രൈവറും തമ്മില് നടുറോഡില് നടന്ന വാക്കുതർക്കത്തിൽ ഇടപെട്ട് മനുഷ്യാവകാശ കമ്മീഷൻ. കെഎസ്ആർടിസി ഡ്രൈവര്…