കെ-റെയിലിന് കേന്ദ്രസർക്കാർ അനുമതി നൽകുമെന്ന് വ്യാമോഹിക്കേണ്ടെന്ന് എന്ന് വി.മുരളീധരൻ

തിരുവനന്തപുരം: ജനങ്ങൾക്ക് ദ്രോഹമായി തീരുന്ന ഒരു പദ്ധതിക്കും നരേന്ദ്രമോദി സർക്കാർ അനുവാദം നൽകില്ലെന്ന് കേന്ദ്രമന്ത്രി വി.മുരളീധരൻ. കെ-റെയിൽ പദ്ധതിയ്‌ക്ക് കേന്ദ്രാനുമതി ലഭിക്കുമെന്ന് മുഖ്യമന്ത്രി വ്യാമോഹിക്കേണ്ടെന്നും, ജനങ്ങളെ പറ്റിക്കുന്നത് മുഖ്യമന്ത്രി അവസാനിപ്പിക്കണമെന്നും അദ്ദേഹം പറഞ്ഞു.

കേരളത്തിൽ വന്ദേഭാരത് ട്രെയിൽ വരും.‘കേന്ദ്രസർക്കാരിന്റെയും നരേന്ദ്രമോദിയുടെയും പേര് പറഞ്ഞുകൊണ്ട് ജനങ്ങളെ ദുരിതത്തിലാക്കുന്ന കെ-റെയിൽ പദ്ധതി നടപ്പാക്കാം എന്ന് കരുതണ്ട. ഒരു കാരണവശാലും ജനങ്ങൾക്ക് ദ്രോഹകരമാകുന്ന ഒരു പദ്ധതിക്ക് നരേന്ദ്രമോദി സർക്കാരിന്റെ അനുമതി ലഭിക്കില്ല. ഈ മാസ് ഡയലോഗ് അടിച്ച് ജനങ്ങളെ കബളിപ്പിക്കുന്ന പരിപാടി നിർത്തണമെന്നും അദ്ദേഹം കൂട്ടിച്ചേർത്തു.

കേരളത്തിന്റെ കണ്ണായ പല സ്ഥലങ്ങളിലും ‘കെ-റെയിലിന്റെ പേരിൽ വിലയിടിയാൻ സാധ്യതയുണ്ട്. അതിൽ ആർക്കാണ് ലാഭം ഉണ്ടാകുന്നത്?. കെ-റെയിൽ പ്രഖ്യാപനങ്ങൾ തുടരെ നടത്തുന്നതിന്റെ കാരണങ്ങൾ വിലയിടിയിപ്പിക്കുന്നതിനാണോ എന്ന് ജനങ്ങൾ ചിന്തിക്കണം. കേരളം ഇന്ത്യയുടെ ഭാഗമാണ്. മുഖ്യമന്ത്രി ആവശ്യപ്പെട്ടാലും ഇല്ലെങ്കിലും കേരളത്തിൽ വന്ദേ ഭാരത് ട്രെയിൻ വരും. ഇത് സംബന്ധിച്ച് റെയിൽവെ മന്ത്രി കേരളത്തിന് ഉറപ്പ് നൽകിയിട്ടുള്ളതാണ്’ എന്നും മുരളീധരൻ വ്യക്തമാക്കി.