മകന്റെ ഫോട്ടോക്കൊപ്പം തന്റെ കുട്ടിക്കാലഫോട്ടോയും പങ്കുവെച്ച് കൈലാസ് മേനോൻ

മലയാളികളുടെ പ്രിയപ്പെട്ട സംഗീത സംവിധായകനാണ് കൈലാസ് മേനോൻ. നിരവധി ചിത്രങ്ങളിൽ അദ്ദേഹം ഇമ്പമാർന്ന ഗാനങ്ങൾ ഒരുക്കിയിട്ടുണ്ട്. നവമാധ്യമങ്ങളിലും കൈലാസ് സജീവമാണ്. ‘തീവണ്ടി’യിലെ ജീവാംശമായ് എന്ന ഗാനത്തിന് സംഗീതം ഒരുക്കിയാണ് കൈലാസ്‌മേനോൻ ഏറെ ശ്രദ്ധേയനായത്. ഫൈനൽസ്, ഇട്ടിമാണി, എടക്കാട് ബറ്റാലിയൻ തുടങ്ങിയ ചിത്രങ്ങളിൽ സംഗീതം സംവിധാനം നിർവഹിച്ചിട്ടുണ്ട്. 2009 ലാണ് അന്നപൂർണയെ കൈലാസ് വിവാഹം ചെയ്തത്.

അടുത്തിടെയാണ് താരത്തിന് ഒരു ആൺകുഞ്ഞ് ജനിച്ചത്. ഇപ്പോഴിതാ തന്റെ കുട്ടിക്കാലത്തെയും മകന്റെയും ഫോട്ടോ ചേർത്ത് കൈലാസ് മേനോൻ പങ്കുവെച്ചതാണ് ചർച്ചയാവുന്നത്. നിരവധിപ്പേരാണ് കമന്റുമായെത്തിയിരിക്കുന്നത്. അച്ഛനും മകനും ഒരുപോലെയുണ്ടെന്നാണ് ആരാധകർ ഒന്നടങ്കം പറയുന്നത്.

സമന്യൂ രുദ്ര എന്നാണ് കുഞ്ഞിന് പേരിട്ടിരിക്കുന്നത്. സമന്യു എന്നതും രുദ്ര എന്നതും ശിവന്റെ പേരുകളാണ്. ഒരേ മനസുള്ളവർ എന്നാണ് സമന്യയുടെ അർഥം. ദുരിതത്തിന്റെയും തിന്മയുടെയു അന്തകൻ എന്നാണ് രുദ്രയുടെ അർത്ഥം. ശിവന്റെ വലിയ ഭക്തയാണ് കുഞ്ഞിന്റെ അമ്മ എന്നും കൈലാസ് മേനോൻ പറഞ്ഞിരുന്നു

സ്‌ക്കൂൾ പഠനകാലത്താണ് സംഗീത ലോകത്തേക്ക് കടന്നുവരുന്നത്.അക്കാലയളവിൽ ആദ്യമായി ഒരു സംഗീത ആൽബം ചെയ്തു.അതിനുശേഷം സംഗീതം പഠിക്കാനായി ചെന്നൈയിലേക്കു പോയി. ചെന്നൈയിലെ പഠനത്തിനുശേഷം പരസ്യചിത്രങ്ങൾ ചെയ്തു.ഏകദേശം പത്തുവർഷത്തോളം ഈ രംഗത്തു ജോലി ചെയ്തു.അതിനിടയിലാണ് സ്റ്റാറിങ്ങ് പൗർണമി എന്ന ചിത്രത്തിന് സംഗീതം നൽകുന്നത്.എന്നാൽ പല കാരണങ്ങൾകൊണ്ടും ചിത്രം പുറത്തിറങ്ങിയില്ല.പിന്നീടാണ് ടൊവീനോ തോമസ് നായകനായി എത്തിയ തീവണ്ടി എന്ന ചിത്രത്തിലേക്ക് വരുന്നത്.ചിത്രത്തിലെ ജീവാംശമായി എന്ന ഗാനം ഇരുംകൈയും നീട്ടിയാണ് മലയാളികൾ സ്വീകരിച്ചത്.