പട്ടിയിറച്ചി വിറ്റെന്ന് വ്യാജ പരാതി, കല്ലമ്പലത്തെ ആത്മഹത്യക്ക് പിന്നിൽ

കല്ലമ്പലത്ത് ഒരു കുടുംബത്തിലെ അഞ്ച് പേർമരണപ്പെട്ടതിന്റെ ഞെട്ടലിലാണ് നാട്ടുകാരും വീട്ടുകാരും. അഞ്ച് പേരുടെയും മരണത്തിനും കാരണം ആറ്റുങ്കൽ മുൻസിപ്പാലിറ്റി ഒഫിസിലെ ഉദ്യോ​ഗസ്ഥരായ ജിഷ റാണി സദാശിവൻ എന്നീ വ്യക്തികളാണെന്ന് കുടുംബക്കാർ കർമ്മ ന്യൂസിനോട് കരഞ്ഞുകൊണ്ട് പറഞ്ഞു. പട്ടിയിറച്ചി വിറ്റു വൃത്തിയില്ല എന്നൊക്കെ പറഞ്ഞുണ്ടാക്കിയാണ് കടയടപ്പിച്ചത്. ഈ ഉദ്യോ​ഗസ്ഥരെക്കൊണ്ട് പൊറുതി മുട്ടിയാണ് മരണം. ജിഷ റാണിയും സംഘവും പലപ്പോഴും കടയിലെത്തി പരിശോധന നടത്തിയിരുന്നു. അതിനു ശേഷവും മുമ്പും പല ഉദ്യോ​ഗസ്ഥരും കടയിൽ വന്നെങ്കിലും ആരും ഒരു പരാതിയും പറഞ്ഞില്ല.

ചെറിയ ചെറിയ കാര്യങ്ങൾ പറഞ്ഞുകൊണ്ടാണ് കടയടപ്പിക്കുന്നത്. അന്നന്നുവാങ്ങുന്ന ഇറച്ചിയും വെളിച്ചെണ്ണയുമാണ് ഉപയോ​ഗിക്കുന്നത്. എന്നിട്ടും അവര് ഓരോ കാരണങ്ങളുണ്ടാക്കുവാരുന്നു. 50,000 രൂപ പിഴയടക്കണമെന്ന് നിർദേശം നൽകിയിരുന്നു. എല്ലാ ജീവനക്കാർക്കും ഹെൽത്ത് കാർഡുണ്ടായിരുന്നു, ഫുഡ് സർട്ടിഫിക്കറ്റടക്കമെടുത്തിരുന്നു. അസിസ്റ്റന്റ് ഓഫിസർ വളരെ നല്ല രീതിയിലാണ് പെരുമാറിയത്. കടയുടമയുടെ അടക്കം ഭീഷണി മണികുട്ടന് നേരിടേണ്ടി വന്നിരുന്നെന്നും കുടുംബാം​ഗങ്ങൾ പറയുന്നു