ആശുപത്രിയിലായപ്പോൾ പോലും കൽപന തിരിഞ്ഞുനോക്കിയില്ലെന്ന് ഭർത്താവ്, ഉപേക്ഷിക്കാൻ വ്യക്തമായ കാരണമുണ്ടെന്ന് കൽപ്പന

മലയാളികളുടെ എക്കാലത്തെയും പ്രിയപ്പെട്ട നടിയാണ് കൽപ്പന. ചെറുതും വലുതുമായ നിരവധി കഥാപാത്രങ്ങൾ താരം അവതരിപ്പിച്ചു. വർഷങ്ങൾ നീണ്ട തന്റെ കരിയറിൽ പ്രമുഖ താരങ്ങൾക്കും സംവിധായകർക്കും ഒപ്പം കൽപന പ്രവർത്തിച്ചു. താരത്തിന്റെ സഹോദരിമാരായ കലാരഞ്ജിനി, ഉർവ്വശി എന്നിവരും തിളങ്ങി. കൽപ്പനയുടെ അകാല വിയോഗം ഏവരെയും ഞെട്ടിച്ചു കളഞ്ഞിരുന്നു.

2016 ജനുവരിയിലാണ് ആരാധകരെയും സഹപ്രവർത്തകരെയും ഞെട്ടിച്ച് കൽപ്പനയുടെ വിയോഗ വാർത്ത എത്തിയത്. ഷൂട്ടിംഗിനായി ഹൈദരാബാദിൽ പോയ താരത്തെ താമസിച്ചിരുന്ന ഹോട്ടലിൽ അബോധാവസ്ഥയിൽ കണ്ടെത്തുകയായിരുന്നു. ഉടൻ ആശുപത്രിയിൽ എത്തിച്ചെങ്കിലും മരണം സംഭവിച്ചു,. ഹൃദയാഘാതമായിരുന്നു മരണകാരണമെന്നാണ് അന്ന് പുറത്തെത്തിയ റിപ്പോർട്ടുകൾ

കൽപ്പനയുടെ സ്വകാര്യ ജീവിതവുമായ ബന്ധപ്പെട്ട ചർച്ചകളാണ് ഇപ്പോൾ നടക്കുന്നത്. സംവിധായകൻ അനിലുമായുള്ള കൽപ്പനയുടെ പ്രണയം വിവാഹത്തിലേക്കുമെത്തിയിരിന്നു. 1998 ലാണ് അനിൽ കൽപ്പനയുടെ കഴുത്തിൽ മിന്നുകെട്ടിയത്. ശ്രീമയി എന്നു പേരുള്ള മകളുണ്ട്. എന്നാൽ
2012 ൽ അനിലും കൽപ്പനയും വിവാഹമോചിതരായി.

പലതരം ​ഗോസിപ്പുകളും വിവാഹത്തിനും വിവാഹമോചനത്തിനും പിന്നാലെ വന്നിരുന്നു. കൽപനയെ തനിയ്ക്ക് മരണത്തേക്കാൾ ഭയമാണെന്നായിരുന്നു അന്ന് അനിൽ പ്രതികരിച്ചത്. താൻ ആശുപത്രിയിൽ കിടന്ന സമയത്ത് പോലും കൽപന തന്നെ തിരിഞ്ഞുനോക്കിയില്ലെന്ന ആക്ഷേപവും അനിൽ ഉന്നയിച്ചിരുന്നു. കൽപനയ്ക്ക് കോടമ്പക്കം സംസ്‌കാരമാണെന്ന് പോലും അനിൽ ആക്ഷേപിച്ചു. എന്നാൽ, അനിലുമായുള്ള ബന്ധം ഉപേക്ഷിക്കാൻ വ്യക്തമായ കാരണമുണ്ടെന്നും അത് പുറത്തുപറയില്ലെന്നുമായിരുന്നു കൽപ്പന പ്രതികരണം. അതേസമയം, അനിലിന്റെ പരസ്ത്രീ ബന്ധമാണ് വിവാഹമോചനത്തിലേക്ക് നയിച്ചതെന്നും അന്ന് റിപ്പോർട്ടുകളുണ്ടായിരുന്നു. വിവാഹമോചനത്തിനു ശേഷം മകൾ കൽപ്പനയ്‌ക്കൊപ്പമായിരുന്നു. 2016 ജനുവരി 25 നാണ് കൽപ്പനയുടെ മരണം.