തൃശ്ശൂരിൽ ഓടിക്കൊണ്ടിരുന്ന കണ്ടെയ്‌നര്‍ ലോറിയുടെ ടയര്‍ ഊരി തെറിച്ചു, യുവാവ് മരിച്ചു

തൃശൂര്‍: ഓടിക്കൊണ്ടിരുന്ന കണ്ടെയ്‌നര്‍ ലോറിയുടെ ടയര്‍ ഊരി തെറിച്ചുണ്ടായ അപകടത്തില്‍ യുവാവ് മരിച്ചു. ഹൈവേയിലെ താല്‍ക്കാലിക ഫാസ് ടാഗ് കൗണ്ടറില്‍ ഉണ്ടായിരുന്ന കുന്നംകുളം സ്വദേശിയായ പികെ ഹെബിന്‍ ആണ് മരിച്ചത്.

തൃശൂര്‍ നടത്തറ ഹൈവേയില്‍ വ്യാഴാഴ്ച ഉച്ചയ്ക്ക് ശേഷമായിരുന്നു അപകടം. കോയമ്പത്തൂരില്‍ നിന്ന് എറണാകുളത്തേക്ക് വരികയായിരുന്നു കണ്ടെയ്‌നര്‍ ലോറിയുടെ ചക്രങ്ങളാണ് ഊരിത്തെറിച്ചത്.

അപകടസമയത്ത് കൗണ്ടറില്‍ ഒരാള്‍ മാത്രമാണ് ഉണ്ടായിരുന്നത്. ഗുരുതരമായി പരക്കേറ്റ യുവാവിനെ ആശുപത്രിയിലെത്തിച്ചെങ്കിലും മരണം സംഭവിക്കുകയയിരുന്നു.