വീട്ടിലേക്ക് വിളിച്ചു വരുത്തി ലഹരി മരുന്നു നല്കി പീഡിപ്പിച്ചു, യുവതിയുടെ പരാതിയിൽ കന്നട നടനും സംവിധായകനുമായ വീരേന്ദ്ര ബാബു അറസ്റ്റിൽ

പീഡനക്കേസിൽ കന്നട നടനും സംവിധായകനുമായ വീരേന്ദ്ര ബാബു അറസ്റ്റിൽ. വീട്ടിലേക്ക് വിളിച്ചു വരുത്തി ലഹരി മരുന്നു നല്കി പീഡിപ്പിച്ചെന്ന യുവതിയുടെ പരാതിയിലാണ് അറസ്റ്റ്. 2021-ലാണ് കേസിന് ആസ്പദമായ സംഭവം നടന്നത് . യുവതിയിൽ നിന്ന് പണം തട്ടാൻ ശ്രമിച്ചെന്നും പരാതിയിൽ പരാമർശിക്കുന്നുണ്ട്.

യുവതിയുമായി സൗഹൃദത്തിലായിരുന്ന വീരേന്ദ്ര ബാബു, വീട്ടിലേയ്‌ക്ക് ക്ഷണിച്ചുവരുത്തുകയും ലഹരി മരുന്ന് നൽകി പീഡിപ്പിക്കുകയും ദൃശ്യങ്ങൾ ചിത്രീകരിച്ചതായും പരാതിയിൽ പറയുന്നു. വീഡിയോ സമൂഹ മാദ്ധ്യമങ്ങളിൽ പ്രചരിപ്പിക്കുമെന്ന് പറഞ്ഞ് തന്നെ ഭീഷണിപ്പെടുത്തി 15 ലക്ഷം രൂപ തട്ടിയെടുത്തെന്നും തോക്കു ചൂണ്ടി ഭീഷണിപ്പെടുത്തി കാറും ആഭരണങ്ങളും അപഹരിച്ചതായുമാണ് യുവതി മൊഴി നൽകിയതെന്ന് പൊലീസ് പറയുന്നു

സംഭവത്തിൽ വീരേന്ദ്ര ബാബുവിന്റെ സുഹൃത്തും തന്നെ ഭീഷണിപ്പെടുത്തിയിരുന്നതായി യുവതി വെളിപ്പെടുത്തിയിരുന്നു. സുഹൃത്തിനെതിരെയും യുവതി കേസ് രജിസ്റ്റർ ചെയ്തിട്ടുണ്ട്. എന്നാൽ സുഹൃത്തിന്റെ വിവരങ്ങൾ യുവതി പുറത്തുവിട്ടിട്ടില്ല. വീരേന്ദ്ര ബാബു തോക്ക് ചൂണ്ടി ഭീഷണിപ്പെടുത്തിയതായും റിപ്പോർട്ടുകളുണ്ട്.

2011-ൽ പ്രദർശനത്തിന് എത്തിയ ചിത്രം ‘സ്വയം ക്രഷി’യിൽ നായകനും വീരേന്ദ്ര ബാബുവാണ്. തിരക്കഥയും വീരേന്ദ്ര ബാബുവാണ് എഴുതിയത്. അംബരീഷ്, തമന്ന, ശോഭരാജ്, ഉമർഷി, സുമൻ, രംഗായന രഘു. ചരൺരാജ് തുടങ്ങിയവരും ‘സ്വയം ക്രഷി’യിൽ വേഷമിട്ടു. ‘വിജയ്’ എന്ന കഥാപാത്രത്തെ ആയിരുന്നു ചിത്രത്തിൽ വീരേന്ദ്ര ബാബു അവതരിപ്പിച്ചത്. ‘സ്വയം ക്രഷി’ എന്ന കന്നഡ ചിത്രത്തിന്റെ നിർമ്മാണവും വീരേന്ദ്ര ബാബുവാണ്. എസ് ആർ സുധാകറായിരുന്നു ഛായാഗ്രാഹണം. അഭിമന്യു റോയ് ആയിരുന്നു സംഗീതം.