മുലപ്പാൽ തൊണ്ടയിൽ കുരുങ്ങി ഏഴ് മാസം പ്രായമുള്ള കുഞ്ഞ് മരിച്ചു

തലശേരിയിൽ മുലമപ്പാൽ തൊണ്ടയിൽ കുടുങ്ങി മരണമടഞ്ഞ ഏഴുമാസം പ്രായമുള്ള കു‍ഞ്ഞിന് നാടിന്റെ കണ്ണീരിൽ കുതിർന്ന യാത്രാമൊഴി. പാനൂർ കൂറ്റേരി ചിറയിൻഭാഗം ചാലുപറമ്പത്ത് അക്ഷയ്യുടെയും ആദിത്യയുടെയും മകളായ അക്ഷയയാണ് മരിച്ചത്. തിങ്കളാഴ്ച്ച ഉച്ചയ്ക്ക് പന്ത്രണ്ടരയോടെയാണ് സംഭവം.

അമ്മ കുട്ടിക്ക് മുലപ്പാൽ നൽകുകയും കുട്ടിയെ ഉറക്കി കിടത്തുകയും ചെയ്തതാണ്. പിന്നീട് കുട്ടി ഛർദ്ദിക്കുകയും രക്ഷിതാക്കൾ പാനൂരിലെ സ്വകാര്യ ആശുപത്രിയിൽ പ്രവേശിപ്പിക്കുകയുമായിരുന്നു. ആശുപത്രിയിൽ പ്രവേശിപ്പിക്കപ്പെട്ട കുട്ടിയുടെ ശരീരം നീല നിറമായിരുന്നു. മൃതദേഹം തലശേരി ജനറൽ ആശുപത്രിയിൽ പോസ്റ്റ്‌മോർട്ടത്തിന് ശേഷം വീട്ടുവളപ്പിൽ സംസ്‌ക്കരിച്ചു.