കണ്ണൂരിൽ നിയന്ത്രണംവിട്ട കാര്‍ ഇരുചക്രവാഹനങ്ങളെ ഇടിച്ചുതെറിപ്പിച്ചു ; ഒരു മരണം

കണ്ണൂര്‍: നിയന്ത്രണംവിട്ട കാര്‍ ഇരുചക്രവാഹനങ്ങളെ ഇടിച്ചുതെറിപ്പിച്ച് ഒരാൾ മരിച്ചു. കണ്ണൂര്‍ പാനൂരില്‍
ശനിയാഴ്ച രാവിലെയായിരുന്നു അപകടം. ഇരിട്ടി വള്ളിത്തോട് സ്വദേശി മുസ്തഫയാണ് മരിച്ചത്. അപകടത്തിൽ അഞ്ചുപേർക്ക് പരിക്കേറ്റു. പാനൂര്‍ കള്ളിക്കണ്ടി പഞ്ചായത്ത് ഓഫീസിന് സമീപമായിരുന്നു അപകടം ഉണ്ടായത്.

നിയന്ത്രണംവിട്ട കാര്‍ രണ്ട് ഇരുചക്രവാഹനങ്ങളെ ഇടിച്ച് തെറിപ്പിക്കുകയായിരുന്നു. കാർ അമിതവേഗതയി ലായിരുന്നതായി നാട്ടുകാർ പറഞ്ഞു. ഇതില്‍ ഒരു വാഹനത്തിലുണ്ടായിരുന്ന വ്യക്തിയാണ് മരിച്ചത്. പരിക്കേറ്റ മുസ്തഫയെ കണ്ണൂരിലെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും രക്ഷിക്കാനായില്ല.

അഞ്ച് പേര്‍ക്ക് പരിക്കേറ്റിട്ടുണ്ട്. ഇതില്‍ രണ്ട് പേര്‍ കുട്ടികളാണ്. എന്നാല്‍ ഇവരുടെ പരിക്കുകള്‍ ഗുരുതരമല്ലെന്നാണ് വിവരം. രണ്ട് ദിവസം മുൻപാണ് തിരുവനന്തപുരം ആറ്റിങ്ങലിൽ അമിതവേഗതയെ തുടർന്ന് നിയന്ത്രണംവിട്ട കാർ വിദ്യാർത്ഥികൾക്കിടയിലേക്ക് ഇടിച്ചു കയറിയത്. ഒരു വിദ്യാർത്ഥിനി മരണപ്പെട്ടു. നിരവധി പേർക്ക് പരിക്കേറ്റിരുന്നു.