ജയനഗര്‍‍ സ്വന്തമാക്കി ബിജെപി, വിജയം റീ കൗണ്ടിങ്ങിലൂടെ, സി.കെ. രാമമൂര്‍ത്തി‍ ജയിച്ചത്16 വോട്ടുകളുടെ ഭൂരിപക്ഷത്തില്‍

കർണാടക യിൽ നിയമസഭാതിരഞ്ഞെടുപ്പിൽ ജയനഗര്‍‍ സ്വന്തമാക്കി ബിജെപി. ഇവിടെ സി.കെ. രാമമൂര്‍ത്തിയം കോണ്‍ഗ്രസ് സ്ഥാനാര്‍ത്ഥിയായ സൗമ്യ റെഡ്ഡിയും തമ്മിലായിരുന്നു ജയനഗറിലെ മത്സരം. സൗമ്യ റെഡ്ഡി 160 വോട്ടിന് ജയിച്ചെന്നായിരുന്നു ആദ്യ ഫലങ്ങളില്‍ പറഞ്ഞിരുന്നത്. എന്നാൽ വീണ്ടും വോട്ടെണ്ണാന്‍ രാമമൂര്‍ത്തി ആവശ്യപ്പെടുകയും, വിജയം ഉറപ്പിക്കുകയുമായിരുന്നു.

16 വോട്ടിന്റെ ഭൂരിപക്ഷത്തിലാണ് രാമമൂര്‍ത്തി വിജയിച്ചത്. വോട്ടെണ്ണലിന്റെ തുടക്കത്തില്‍ സാങ്കേതിക കാരണങ്ങള്‍ ചൂണ്ടിക്കാട്ടി 177 പോസ്റ്റല്‍ വോട്ടുകള്‍ മാറ്റിവെച്ചിരുന്ന. ഇത് കൂടി എണ്ണിയതോടെ ബിജെപി സ്ഥാനാര്‍ത്ഥി വിജയം ഉറപ്പിച്ചു. ഇതോടെ പ്രതിഷേധവുമായി രംഗത്തെത്തി. തെരഞ്ഞെടുപ്പ് ഫലം പ്രഖ്യാപിച്ചിട്ടും സര്‍ട്ടിഫിക്കറ്റ് രാമമൂര്‍ത്തിക്ക് കൈമാറിയിട്ടില്ല.

പിന്നാലെ കോണ്‍ഗ്രസ്സിന്റെ ഗുണ്ടായിസത്തിനെതിരെ ബിജെപി പ്രവര്‍ത്തകര്‍ രംഗത്ത് എത്തി. അതേസമയം രാമമൂര്‍ത്തി റീ കൗണ്ടില്‍ വിജയിച്ചതിനെതിരെ കോണ്‍ഗ്രസ് തെരഞ്ഞെടുപ്പ് കമ്മിഷനെ സമീപിച്ചു. ജയനഗര്‍ മുമ്പ് ബിജെപിയുടേതായിരുന്നു. 2018ല്‍ സൗമ്യ റെഡ്ഡി ഇവിടെ നിന്നും വിജയിച്ചു.