സുഹൃത്തുക്കളെ എനിക്കൊരു ആൺകുഞ്ഞു പിറന്നു, ജീവിതം മാറ്റിയ അനുഭവമെന്ന് കാർത്തി

നടൻ കാർത്തിക്കും രഞ്ജനി ചിന്നസ്വാമിയ്ക്കും കുഞ്ഞു പിറന്നു. കാർത്തി തന്നെയാണ് വിവരം ആരാധകരുമായി പങ്കുവച്ചത്. ആൺകുഞ്ഞാണ്, ‘ജീവിതം മാറ്റി മറിച്ച അനുഭവം’ എന്ന് കുറിച്ച് കാർത്തി തന്നെയാണ് ട്വീറ്റിലൂടെ ഈ വിശേഷം ആരാധകരുമായി പങ്കുവച്ചിരിക്കുന്നത്.

”സുഹൃത്തുക്കളെ എനിക്കൊരു ആൺകുഞ്ഞു പിറന്നു. ഡോക്ടർമാർക്കും നഴ്‌സുമാക്കും എത്ര നന്ദി പറഞ്ഞാലും മതിയാകില്ല, നിങ്ങളുടെ എല്ലാവരുടെയും സ്നേഹവും പ്രാർഥനയും വേണം”മെന്നും കാർത്തി പറയുന്നു. കുഞ്ഞിന് നിങ്ങളുടെ എല്ലാവരുടെയും അനുഗ്രഹമുണ്ടാകണമെന്നും ദൈവത്തിന് നന്ദിയെന്നും കാർത്തി പറഞ്ഞു.

2011ലാണ് കാർത്തി കോയമ്പത്തൂര്‍ ഈറോഡ് സ്വദേശിയായ രഞ്ജനിയെ വിവാഹം ചെയ്തത്. ചിന്നസ്വാമിയുടെയും ജ്യോതി മീനാക്ഷിയുടെയും മകളാണ് രഞ്ജനി. 2013ലാണ് ഇവർക്ക് ആദ്യത്തെ കുട്ടി ജനിക്കുന്നത്. ഉമയാൾ എന്നാണ് ആദ്യത്തെ കുട്ടിക്ക് നൽകിയ പേര്. കാര്‍ത്തിയുടെ ഏറ്റവും പുതിയ ചിത്രം ‘സുല്‍ത്താനാ’ണ് .ഭാഗ്യരാജ് കണ്ണന്‍ സംവിധാനം ചെയ്യുന്ന സിനിമയുടെ ഷൂട്ടിംഗ് പൂര്‍ത്തിയായി. ഡ്രീം വാര്യര്‍ പിച്ചേഴ്‌സാണ് സിനിമ നിര്‍മ്മിക്കുന്നത്.