തിരുനന്തപുരം/ പ്രതിപക്ഷ ബഹളത്തെ തുടര്ന്ന് നിയമസഭാ ഇന്നത്തേക്ക് പിരിഞ്ഞു. മന്ത്രി സജി ചെറിയാന്റെ വിവാദ പ്രസംഗത്തിന്റെ പശ്ചാത്തലത്തില് സജി ചെറിയാന്റെ രാജി ആവശ്യപ്പെട്ട് പ്രതിപക്ഷം ബഹളം വെയ്ക്കുകയായിരുന്നു. മുദ്രാവാക്യം വിളിച്ചും പ്ലക്കാര്ഡുകള് ഉയര്ത്തിയും സഭ ചേര്ന്ന ഉടനെ പ്രതിപക്ഷ അംഗങ്ങള് രംഗത്തെത്തുകയായിരുന്നു.
ബഹളത്തെ തുടര്ന്ന് ശൂന്യവേളയും ചോദ്യോത്തരവേളയും റദ്ദാക്കി. തുടര്ന്ന് ധനാഭ്യര്ത്ഥനകള് അംഗീകരിച്ച് സഭ ഇന്നത്തേക്ക് പിരിയുകയായിരുന്നു. ഭരണഘടനയോട് കൂറ് പുലര്ത്താത്ത മന്ത്രി എങ്ങനെ സ്ഥാനത്ത് തുടരും, ചെറിയാന് നടത്തിയത് സത്യപ്രതിജ്ഞാ ലംഘനം എന്നിങ്ങനെയായിരുന്നു എന്നിങ്ങനെ എവുതിയ പ്ലക്കാര്ഡുകളുമായിട്ടാണ് പ്രതിപക്ഷം സഭയിലെത്തിയത്. സഭ കവാടത്തിലും പ്രതിപക്ഷം പ്രതിഷേധിച്ചു.
പ്രതിപക്ഷം നല്കിയ അടിയന്തരപ്രമേയ ചര്ച്ചക്കുള്ള നോട്ടീസ് പോലും പരിഗണിക്കാതെയാണ് സഭ പിരിഞ്ഞത്. ചോദ്യോത്തര വേള തുടങ്ങി മിനിറ്റുകള്ക്കകമാണ് സഭ പരിഞ്ഞത്. സഭ തുടങ്ങി ഉടന് ചോദ്യോത്തര വേള നിര്ത്തിവെച്ച് അടിയന്തര പ്രമേയം ചര്ച്ച ചെയ്യണമെന്ന് പ്രതിപക്ഷം ആവശ്യപ്പെട്ടു. എന്നാല് പ്രതിപക്ഷത്തിന്റെ ആവശ്യം സ്പീക്കര് തള്ളി. ബഹളം തുടര്ന്നതോടെ സ്പീക്കര് സഭ ഇന്നത്തേക്ക് പിരിയുകയാണെന്ന് പ്രഖ്യാപിക്കുകയായിരുന്നു.
വിവാദ പ്രസംഗത്തിന്റെ പശ്ചാത്തലത്തില് ഗവര്ണര് ആരിഫ് മുഹമ്മദ്ഖാന് മുഖ്യമന്ത്രി പിണറായി വിജയനോട് വിശദീകരണം ആവശ്യപ്പെട്ടിരുന്നു. അതേസമയം ഭരണഘടനയെ അല്ല ഭരണകൂടത്തെയാണ് താന് വിമര്ശിച്ചതെന്ന് മുഖ്യമന്ത്രി പിണറായി വിജയനോടും പിന്നീട് നിയമസഭയിലും മന്ത്രി വ്യക്തമാക്കുകയും ഖേദം പ്രകടിപ്പിക്കുകയും ചെയ്തിരുന്നു.
മുഖ്യമന്ത്രി സജി ചെറിയാനെതിരെ നടപടിയെടുത്തില്ലെങ്കില് കോടതിയെ സമീപിക്കുവനാണ് പ്രതിപക്ഷത്തിന്റെ തീരുമാനം. സിപിഐഎം സംസ്ഥാന നേതൃത്വം വിഷയത്തില് ഇതുവരെ പ്രതികരിച്ചിട്ടില്ല.
തിരുവനന്തപുരം: കേരളത്തില് അതിശക്തമായി മഴ തുടരുമെന്ന് കാലാവസ്ഥാ മുന്നറിയിപ്പ്. കേരള തീരത്ത് പടിഞ്ഞാറന്, തെക്ക് പടിഞ്ഞാറന് കാറ്റ് ശക്തമാണ്. അടുത്ത…
പ്രിഥ്വിരാജ് സംവിധാനം ചെയ്ത ബ്രോ ഡാഡി സിനിമയുടെ സെറ്റിൽ വെച്ച് യുവ നടിയെ പീഢിപ്പിച്ച് ദൃശ്യങ്ങൾ പകർത്തിയ സഹ സംവിധായകനെ…
തിരുവനന്തപുരം: തുമ്പ കിന്ഫ്ര പാര്ക്കിലെ കോണ്ക്രീറ്റ് റെഡിമിക്സ് യൂണിറ്റില് പൊട്ടിത്തെറി. ആര്.എം.സി. എന്ന സ്ഥാപനത്തിന്റെ പ്ലാന്റില് ഉച്ചയ്ക്ക് 12-ഓടെയാണ് പൊട്ടിത്തെറിയുണ്ടായത്.…
സിയോൾ : ഉത്തര കൊറിയയിൽ നിന്ന് ദക്ഷിണ കൊറിയയിലേക്കുള്ള മാലിന്യ ബലൂണാക്രമണം തുടരുന്നു. കഴിഞ്ഞ രണ്ട് ദിവസത്തിനിടെ മാത്രം 100ഓളം…
ന്യൂഡല്ഹി: ഈ ഓഫീസിൽ ദൈവനിയോഗം പോലെയെത്തിയെന്ന് 66-ാം പിറന്നാൾ ദിനത്തിൽ കേന്ദ്രമന്ത്രിയും നടനുമായ സുരേഷ് ഗോപി. കേരള ഹൗസിലേക്ക് രാവിലെതന്നെ…
കൊച്ചി : വീണ്ടും ഹൈക്കോടതിയുടെ വിർശനം ഏറ്റുവാങ്ങി പോലീസ് സേന. ആലത്തൂരിൽ അഭിഭാഷകനോട് പോലീസ് മോശമായി പെരുമാറിയ സംഭവത്തിലെ കോടതിയലക്ഷ്യ…