കുട്ടികളോടും സ്ത്രീകളോടും യോഗി സർക്കാരിന്റെ കരുതലിനെ കേരളം കണ്ടു പഠിക്കണം

കുട്ടികൾക്കും സ്ത്രീകൾക്കുമെതിരായ കുറ്റകൃത്യങ്ങളിൽ കൃത്യമായ ഇടപെടൽ വഴി പ്രതികൾക്ക് ശിക്ഷ ഉറപ്പാക്കുകയാണ് ഉത്തർപ്രദേശിൽ യോഗി സർക്കാർ. സ്ത്രീകളു ടെയും, കുട്ടികളുടെയും കാര്യത്തിൽ യോഗി സർക്കാറിന്റെ കരുതലിനെയാണ് 2022 മാർച്ച് 25 മുതൽ ജൂലൈ 16 വരെയുള്ള കണക്കുകൾ പുറത്ത് വന്നപ്പോൾ അടിവര യിട്ടു ചൂണ്ടിക്കാട്ടുകയാണ്.

ഈ വർഷം മാർച്ച് 25 മുതൽ ജൂലൈ 16 വരെ കുട്ടികൾക്കും സ്ത്രീകൾക്കുമെതിരായ ലൈംഗിക അതിക്രമം ഉൾപ്പെടെയുള്ള കേസുകളിൽ 2,752 പ്രതികളെ കുറ്റവാളികളായി കണ്ടെത്തുകയും അവർക്ക് സർക്കാർ ശിക്ഷ ഉറപ്പാക്കുകയും ചെയ്തിരിക്കുകയാണ്. പൊലീസ് സ്റ്റേഷനുകളിൽ മാത്രമായി കേസ് ഒതുങ്ങാതെ കോടതികളിലും നിരന്തരം ഫലപ്രദമായ ഇടപെടൽ നടത്തിയാണ് ഈ നേട്ടത്തിലേക്ക് എത്തിയതെന്ന് സംസ്ഥാന ആഭ്യന്തര വകുപ്പ് വ്യക്തമാക്കിയിരിക്കുന്നു.

കോടതി ശിക്ഷിച്ച 328 പേർക്ക് ജീവപര്യന്തവും 594 പേർക്ക് പത്ത് വർഷം ജയിൽ ശിക്ഷയും, 1834 പ്രതികൾക്ക് പത്ത് വർഷത്തിൽ താഴെയുള്ള ജയിൽ ശിക്ഷയും സർക്കാർ ഉറപ്പാക്കിയിരിക്കുകയാണ്. ആഭ്യന്തര മന്ത്രാലയത്തിന്റെ വാർത്താക്കുറിപ്പിൽ ആണ് ഇക്കാര്യ പറഞ്ഞിരിക്കുന്നത്. എൻഐഎ ഡെപ്യൂട്ടി സൂപ്രണ്ട് തൻസീൽ അഹമ്മതും ഭാര്യ ഫർസാന ഖാതൂനും കൊല്ലപ്പെട്ടെ കേസിൽ ഗുണ്ടാ നേതാവ് മുനീർ അഹമ്മദിനും സഹായി റയ്യാനും പരമാവധി ശിക്ഷയായ വധശിക്ഷ ലഭിച്ചെന്നും ആഭ്യന്തര വകുപ്പ് അഡിഷനൽ ചീഫ് സെക്രട്ടറി അവനിഷ് അവസ്തി അറിയിച്ചിട്ടുണ്ട്.

2016 ഏപ്രിലിലായിരുന്നു എൻഐഎ ഡെപ്യൂട്ടി സൂപ്രണ്ട് തൻസീൽ അഹമ്മതും ഭാര്യ ഫർസാനയും കൊലചെയ്യപ്പെടുന്നത്. ഗുണ്ടകൾക്കും അക്രമികൾക്കുമെതിരെ സർക്കാർ ശക്തമായ നടപടി സ്വീകരിച്ചു വരികയാണ്. ഇക്കാലയളവിൽ മാത്രം 892 പേർക്കെതിരെ പോക്സോ കേസ് ചുമത്തിയെന്നും അഡീഷണൽ ഡയറക്ടർ ജനറൽ അശുതോശ് പാണ്ഡേ അറിയിച്ചു. ഇവരിൽ 145 പേർക്ക് ജീവപര്യന്തവും 291 പേർക്ക് 10 വർഷത്തിലേറെ തടവും 456 പേർക്ക് 10 വർഷത്തിൽ താഴെ തടവുശിക്ഷയും ലഭിക്കുകയുണ്ടായി.

സ്ത്രീകൾക്കെതിരായ ലൈംഗിക അതിക്രമ കേസുകളിൽ,1864 പ്രതികൾക്ക് സർക്കാർ ശിക്ഷ വാങ്ങി നൽകി. ഇതിൽ 184 പേർക്ക് ജീവപര്യന്തം, 303 പേർക്ക് പത്ത് വർഷത്തിലധികം തടവ്, 1378 പേർക്ക് പത്ത് വർഷത്തിൽ താഴെ തടവ് ശിക്ഷയും സർക്കാർ ഉറപ്പാക്കിയിരിക്കുകയാണ്.