ഗണേഷ് കുമാറും കടന്നപ്പള്ളി രാമചന്ദ്രനും മന്ത്രിസ്ഥാനത്തേയ്ക്ക്, സത്യപ്രതിഞ്ജ 29ന്

തിരുവനന്തപുരം: മന്ത്രി സഭാ പുന:സംഘടന ഈ മാസം അവസാനത്തോടെ നടക്കുമ്പോൾ കെ.ബി.ഗണേഷ് കുമാറും കടന്നപ്പള്ളി രാമചന്ദ്രനും മന്ത്രിസ്ഥാനത്തേയ്ക്ക് .സത്യപ്രതിജ്ഞാ തീയതിയും വകുപ്പുകളും തീരുമാനിക്കാൻ ഇടതുമുന്നണിയോഗം ഡിസംബർ 24 നു ചേരുമെന്ന് റിപ്പേർട്ട്.

ഗണേഷ് കുമാറിന് ഗതാഗത വകുപ്പും കടന്നപ്പള്ളിക്ക് തുറമുഖവകുപ്പും ലഭിക്കാൻ സാധ്യത. നവകേരളസദസ് ജനുവരി ഒന്ന്, രണ്ട് തീയതികളിൽ എറണാകുളത്ത് നടക്കുമ്പോൾ ഇരുവരും പങ്കെടുക്കും.

ഗതാഗതമന്ത്രി ആന്‍റണി രാജുവും തുറമുഖ മന്ത്രി അഹമ്മദ് ദേവര്‍കോവിലും രാജി സമര്‍പ്പിക്കും. സാധാരണ ഇതേ വകുപ്പുകള്‍ തന്നെയാണ് പകരം വരുന്നവര്‍ക്ക് ലഭിക്കേണ്ടത്. എന്നാൽ ഗണേഷ് കുമാര്‍ മുമ്പ് ഗതാഗതവകുപ്പും കടന്നപ്പള്ളി തുറമുഖവകുപ്പും ഭരിച്ചിട്ടുമുണ്ട്. 29ന് സത്യപ്രതിജ്ഞ എന്ന് നേരത്തെ സൂചനയുണ്ടായിരുന്നു. തീയതിയില്‍ അന്തിമതീരുമാനം എടുക്കും മുമ്പ് ഗവര്‍ണറുടെ സമയം കൂടി തേടും.