രാജ്യം മുഴുവൻ ടിക്കറ്റ് നിരക്കിൽ ഇളവ് വേണം, കേരള സ്റ്റോറി പാഠ്യപദ്ധതിയിൽ ഉൾപ്പെടുത്തണമെന്നും സംവിധായകൻ

ദി കേരള സ്റ്റോറി പ്രദർശനം പന്ത്രണ്ടാം ദിവസത്തിലേക്ക് കടക്കുമ്പോൾ കളക്ഷൻ 135 കോടി പിന്നിട്ടു. റെക്കോർഡ് കളക്ഷനാണ് ചിത്രം നേടുന്നത്. ഇതിനിടെ പ്രതികരണവുമായി സംവിധായകൻ സുദീപ്തോ സെൻ രംഗത്തെത്തി. രാജ്യം മുഴുവൻ ചിത്രത്തിന്റെ ടിക്കറ്റ് നിരക്കിൽ ഇളവ് വരുത്തണമെന്നും, പെൺകുട്ടികളുടെ സുരക്ഷ ഉറപ്പുവരുത്താനായി ലോകം മുഴുവൻ ചിത്രം പ്രദർശിപ്പിക്കണം. കൂടാതെ ചിത്രത്തെ പാഠ്യപദ്ധതിയുടെ ഭാഗമാക്കണമെന്നും അദ്ദേഹം അഭിപ്രായപ്പെട്ടു.

അതേസമയം ദി കേരളാ സ്റ്റോറിയുടെ മലയാളം പതിപ്പ് തീയേറ്ററുകളിൽ പുറത്തിറങ്ങി. ഇതോടെ കേരളത്തിലെ തീയേറ്ററുകളിൽ തിരക്ക് വർദ്ധിച്ചു. മേയ് അഞ്ചിനാണ് ഹിന്ദി പതിപ്പ് റിലീസ് ചെയ്തത്. പിന്നീട് ഒരാഴ്ച പിന്നിട്ട ശേഷമാണ് മലയാളം പതിപ്പ് തീയേറ്ററിൽ എത്തിയത്. ദി കേരള സ്റ്റോറിയുടെ മലയാളം പതിപ്പിനായി നിരവധി പേരാണ് കാത്തിരുന്നത്. ഹിന്ദി മനസ്സിലാക്കുവാൻ സാധിക്കാത്ത സാധാരണക്കാർ മലയളം പതിപ്പ് ഇറങ്ങിയതോടെ തിയേറ്ററിലോട്ട് എത്തുകയാണ്.

തിരുവനന്തപുരം പോലുള്ള നഗരങ്ങളിൽ തുടക്കത്തിൽ രണ്ട് തിയേറ്ററുകളിൽ മാത്രം ഓടിയിരുന്ന ചിത്രം ഇപ്പോൾ കൂടുതൽ സ്‌ക്രീനുകളിൽ പ്രദർശിപ്പിയ്ക്കുന്നുണ്ട്. ദി കേരള സ്റ്റോറി പ്രദർശിപ്പിക്കുന്ന എല്ലാ തിയേറ്ററുകളിലും നിറഞ്ഞ സദസ്സാണ്. വലിയ ആവേശത്തോടെയാണ് സിനിമയ ജനങ്ങൾ സ്വീകരിച്ചിരിക്കുന്നത്.