കാലിഫോര്ണിയയില് കോവിഡ് വാക്സിന് സ്വീകരിച്ച നഴ്സിന് ഒരാഴ്ചയ്ക്ക് ശേഷം കോവിഡ് സ്ഥിരീകരിച്ചു. സാന്ഡീഗോയിലെ രണ്ട് വ്യത്യസ്ത ആശുപത്രികളില് ജോലി ചെയ്യുന്ന ഇആര് നഴ്സ് മാത്യു ഡബ്ല്യുവിനാണ് വാക്സിന് സ്വീകരിച്ച് ഒരാഴ്ചയ്ക്ക് ശേഷം കോവിഡ് സ്ഥിരീകരിച്ചത്. ഡിസംബര് പതിനെട്ടിനാണ് 45 കാരനായ മാത്യു ഫൈസറിന്റെ കോവിഡ് പ്രതിരോധ വാക്സിന് സ്വീകരിച്ചത്. ക്രിസ്മസ് രാത്രിയിലെ കോവിഡ് ഡ്യൂട്ടിക്ക് ശേഷമാണ് മാത്യുവിന് കോവിഡ് ലക്ഷണങ്ങള് അനുഭവപ്പെട്ട് തുടങ്ങിയത്. തലകറക്കവും ശരീര വേദനയും തണുപ്പുമൊക്കെയായിരുന്നു രോഗ ലക്ഷണങ്ങള് കണ്ടത്. ഇതേത്തുടര്ന്ന് നടത്തിയ പരിശോധനയില് കോവിഡ് സ്ഥിരീകരിക്കുകയായിരുന്നു.
അതേസമയം വാക്സിന് സ്വീകരിച്ച് ഒരാഴ്ചയ്ക്ക് ശേഷം കോവിഡ് സ്ഥിരീകരിക്കുന്നതില് അസ്വഭാവികതയൊന്നുമില്ലെന്ന് ആരോഗ്യ രംഗത്തെ വിദഗ്ദര് പ്രതികരിച്ചു. വാക്സിന് ശരീരത്തില് പ്രതികരിച്ചു തുടങ്ങുന്നതിന് ഒരു മാസത്തോളം സമയമെടുക്കുമെന്നിരിക്കെ ആ കാലയളവിനുള്ളില് കോവിഡ് ബാധിക്കപ്പെടാന് സാധ്യതയുണ്ടെന്നാണ് വിദഗ്ദരുടെ അഭിപ്രായം. മാത്യുവിന് മിക്കവാറും വാക്സിന് സ്വീകരിക്കുന്നതിന് മുന്പ് തന്നെ കോവിഡ് വൈറസ് ശരീരത്തില് പ്രവേശിച്ചിട്ടുണ്ടാകാമെന്ന് സാന് ഡീഗോയിലെ ഫാമിലി ഹെല്ത്ത് സെന്ററുകളിലെ പകര്ച്ചവ്യാധി വിദഗ്ധനായ ഡോ. ക്രിസ്റ്റ്യന് റാമേഴ്സ് പറഞ്ഞു.
വാക്സിന് സ്വീകരിച്ച് പത്തോ, പതിനാലോ ദിവസങ്ങള്ക്ക് ശേഷമാണ് അതിന്റെ സംരക്ഷണം ലഭിച്ചു തുടങ്ങുന്നത്. ആദ്യത്തെ ഡോസില് അമ്പത് ശതമാനം സംരക്ഷണം മാത്രമാണ് ലഭിക്കുന്നത്. രണ്ടാമത്തെ ഡോസ് കൂടി സ്വീകരിച്ചു കഴിയുമ്പോഴാണ് 95ശതമാനം സംരക്ഷണം ലഭിക്കുകയെന്നും ഡോ. ക്രിസ്റ്റ്യന് റാമേഴ്സ് പറഞ്ഞു. വാക്സിന് സ്വീകരിച്ചാലും ജനങ്ങള് കൊറോണയ്ക്കെതിരായ പ്രതിരോധ നടപടികള് അവസാനിപ്പിക്കരുതെന്നും ഡോ. ക്രിസ്റ്റ്യന് റാമേഴ്സ് പറഞ്ഞു. കൈകള് കഴുകുന്നതും, മാസ്ക് ധരിക്കുന്നതും, സാമൂഹിക അകലം പാലിക്കുന്നതുമെല്ലാം വാക്സിന് സ്വീകരിച്ച ശേഷവും അതേപടി തുടരണമെന്നും ഡോ. ക്രിസ്റ്റ്യന് റാമേഴ്സ് കൂട്ടിച്ചേര്ത്തു.
ആലപ്പുഴ: മാന്നാറില് 15 വര്ഷം മുന്പ് കല എന്ന യുവതിയെ കൊലപ്പെടുത്തി മൃതദേഹം മറവുചെയ്ത കേസില് മൂന്ന് പ്രതികളുടെ അറസ്റ്റ്…
കഴിഞ്ഞ ദിവസമായിരുന്നു നടി മീര നന്ദന്റെ വിവാഹം. ഗുരുവായൂർ ക്ഷേത്രത്തിൽ വെച്ചായിരുന്നു താലികെട്ട്. ലണ്ടനിൽ അക്കൗണ്ടന്റായ ശ്രീജു ആണ് വരൻ.…
കോഴിക്കോട് : കൊയിലാണ്ടി ഗുരുദേവ കോളേജിലുണ്ടായ സംഘർഷവുമായി ബന്ധപ്പെട്ട് നാല് എസ്എഫ്ഐ പ്രവർത്തകരെ സസ്പെൻ്റ് ചെയ്തു. രണ്ടാം വർഷ ബിബിഎ…
കൊച്ചി: മാണി സി കാപ്പൻ എംഎൽഎക്ക് തിരിച്ചടി. സാമ്പത്തിക തട്ടിപ്പ് കേസിൽ വിചാരണ നടപടികൾ നിർത്തിവയ്ക്കണമെന്ന മാണി സി കാപ്പന്റെ…
കൊൽക്കത്ത: ബംഗാളിൽ ആൾക്കൂട്ട ആക്രമണങ്ങളെ പ്രോത്സാഹിപ്പിക്കുന്ന "എംബി കോക്ടെയ്ൽ" സംസ്ഥാനത്തിന്റെ ക്രമസമാധാന നിലയെ പൂർണമായും ഇല്ലായ്മ ചെയ്യുകയാണെന്ന് ഗവർണർ ഡോ…
തലശ്ശേരിയിൽ വീടിന് നേരെ ആക്രമണം യുവ വ്യവസായിക്ക് പരിക്ക്. പോലീസ് ക്വാട്ടേഴ്സിന് സമീപത്തെതച്ചോളി പുടുവത്ത് തറവാടിന് നേരെയാണ് ആക്രമണം നടന്നത്.…