കണ്ണൂര്: സിപിഎമ്മിനെ ആശങ്കയിലാക്കി കോണ്ഗ്രസിന്റെ അടുത്ത നീക്കം. കണ്ണൂര് നിയോജകമണ്ഡലം യു.ഡി.എഫ് മഹിളാ സംഘടനകളുടെ നേതൃത്വത്തില് കണ്ണൂര് ജവഹര് ലൈബ്രറി ഓപണ് ഓഡിറ്റോറിയത്തില് സംഘടിപ്പിച്ച മഹിളാസംഗമത്തില് പങ്കെടുക്കാനാണ് കൃപേഷിന്റെ സഹോദരി കൃഷ്ണപ്രിയയും ശരത്ലാലിന്റെ സഹോദരി അമൃതയും കണ്ണൂരില് എത്തിയത്. പെരിയയിലെ കോണ്ഗ്രസ് രക്തസാക്ഷികളുടെ സഹോദരിമാര് സതീശന് പാച്ചേനിയുടെ വിജയത്തിനായി കണ്ണൂരിലെത്തി യതോടെ സിപിഎം ആശങ്കയിലാകും.
‘ഇനി പിണറായിസര്ക്കാര് വീണ്ടും അധികാരത്തില് വരരുത്. വന്നാല് തങ്ങളെപോലുള്ള സഹോദരിമാരും അമ്മമാരും കണ്ണീര് കുടിക്കേണ്ടിവരും’ ഇരുവരും സംഗമത്തില് സംസാരിക്കവെ പറഞ്ഞു. ആദ്യമായാണ് കണ്ണൂരില് ഒരു പൊതുപരിപാടിയില് കൃപേഷിന്റെയും ശരത്ലാലിന്റെയും സഹോദരിമാര് പങ്കെടുക്കുന്നത്. ‘ഇവര് വീണ്ടും അധികാരത്തില് വന്നാല് കൊലപാതകങ്ങള് ആവര്ത്തിക്കും. ഒരുപാട് പേരുടെ കണ്ണീര് വീണ മണ്ണാണിത്. അതിന് അറുതിവരേണ്ടത് നമ്മുടെയെല്ലാം ആവശ്യമാണെന്നും അമൃത പറഞ്ഞു.
‘എന്റ അച്ഛന് ഇടതുപക്ഷ ചിന്താഗതിക്കാരനായിരുന്നു. പിണറായിസര്ക്കാര് അധികാരത്തില് വന്നപ്പോള് ലഡു വാങ്ങി വിതരണം ചെയ്തിരുന്നു. പക്ഷേ, എന്റെ ജ്യേഷ്ടന് ത്രിവര്ണപതാകയാണ് കൈയില്പിടിച്ചത്. അതുകൊണ്ടാണ് എന്റെജ്യേഷ്ടന്ന്റ ജീവന് അവരെടുത്തത്’ -കൃഷ്ണപ്രിയ പറഞ്ഞു. അക്രമങ്ങള്ക്കും കൊലപാതകങ്ങള്ക്കും എതിരെയുള്ള വിധിയെഴുത്താകണം തെരഞ്ഞെടുപ്പിലുണ്ടാകേണ്ടതെന്ന് ശരത്ലാലിന്റെ സഹോദരി അമൃത പറഞ്ഞു.
ഇവര് വീണ്ടും അധികാരത്തില് വന്നാല് കൊലപാതകങ്ങള് ആവര്ത്തിക്കും. ഒരുപാട് പേരുടെ കണ്ണീര് വീണ മണ്ണാണിത്. അതിന് അറുതിവരേണ്ടത് നമ്മുടെയെല്ലാം ആവശ്യമാണെന്നും അമൃത പറഞ്ഞു. മഹിളസംഗമം എ.ഐ.സി.സി അംഗവും മുന് മേയറുമായ സുമ ബാലകൃഷ്ണന് ഉദ്ഘാടനം ചെയ്തു. വനിത ലീഗ് ജില്ല പ്രസിഡന്റ് സി. സീനത്ത് അധ്യക്ഷത വഹിച്ചു. എ.ഐ.സി.സി മാധ്യമവക്താവ് ഡോ. ഷമ മുഹമ്മദ്, െഡപ്യൂട്ടി മേയര് കെ. ഷബീന ടീച്ചര്, മഹിള കോണ്ഗ്രസ് ജില്ല പ്രസിഡന്റ് രജനി രമാനന്ദ്, ഡി.സി.സി ജനറല് സെക്രട്ടറിമാരായ സി.ടി. ഗിരിജ, എം.സി. ശ്രീജ, ശ്രീജ മഠത്തില്, ഡി.സി.സി ജനറല് സെക്രട്ടറി പി. മാധവന് മാസ്റ്റര്, കെ.എസ്.യു ജില്ല പ്രസിഡന്റ് പി. മുഹമ്മദ് ഷമ്മാസ്, കെ.കെ. രതി തുടങ്ങിയവര് സംബന്ധിച്ചു.
ഒരു സാധാരണ പൗരന്റെ പരാതി വെറും 48 മണിക്കൂറിനകം പരിഹരിച്ച് പെട്രോളിയം - ടൂറിസം സഹമന്ത്രി സുരേഷ് ഗോപി. ജൂൺ…
ഹൈബ്രിഡ് ഇനത്തിൽപ്പെട്ട കഞ്ചാവും തോക്കുമായി നാല് യുവാക്കൾ പോലീസ് പിടിയിൽ. 30 ഗ്രാം കഞ്ചാവ്, എയർപിസ്റ്റൾ, കഞ്ചാവ് പൊടിക്കാൻ ഉപയോഗിക്കുന്ന…
മാനന്തവാടി : മക്കിമല മേലേ തലപ്പുഴയിൽ കുഴിബോംബ് കണ്ടെത്തി. ജനവാസകേന്ദ്രത്തിൽനിന്ന് ഒന്നരക്കിലോമീറ്റർ അകലെയായാണ് മേലേ തലപ്പുഴ കൊടക്കാട് വനമേഖലയിൽ മണ്ണിനടിയിൽ…
മലപ്പുറം കല്ലത്താണിയിൽ കാറും സ്കൂട്ടറും കൂട്ടിയിടിച്ച് ഉണ്ടായ അപകടത്തിൽ ഒരാൾ മരിച്ചു. രണ്ടുപേർക്ക് പരിക്ക്. ചെറുമുക്ക് സ്വദേശി സിനാൻ (22)…
"ജയ് പാലസ്തീൻ, തക്ബീർ" മുഴക്കി പാർലമെന്റിൽ സത്യപ്രതിജ്ഞാ ചെയ്ത AIMIM അദ്ധ്യക്ഷൻ അസദുദ്ദീൻ ഒവൈസിക്കെതിരെ കടുത്ത വിമർശനം. 18-ാമത് ലോക്സഭയിൽ…
മലയാളികളുടെ പ്രീയപ്പെട്ട നടനും കേന്ദ്രമന്ത്രിയുമായ സുരേഷ് ഗോപിയുടെ 65-ാം പിറന്നാളാണ് ഇന്ന്. വ്യക്തിജീവിതത്തിലും രാഷ്ട്രീയത്തിലും ശോഭിച്ചുനില്ക്കുന്ന വേളയിലാണ് അദ്ദേഹത്തിന്റെ ഇത്തവണത്തെ…