പ്രസംഗിച്ചയിടങ്ങളില്‍ പാര്‍ട്ടി തോറ്റു പോയാല്‍ എന്തായിരികും ചേട്ടന്റെ പ്രതികരണം, കൃഷ്ണകുമാറിനോട് ആരാധകന്‍, മറുപടിയില്‍ ഞെട്ടിച്ച് താരം

മലയാളികളുടെ പ്രിയപ്പെട്ട നടാനാണ് കൃഷ്ണകുമാര്‍. നിരവധി ചിത്രങ്ങളിലൂടെ മലയാളികളുടെ പ്രിയ താരമായി മാറാന്‍ അദ്ദേഹത്തിനായി. കൃഷ്ണകുമാറും കുടുംബവും മലയാളികള്‍ക്ക് ഏറെ സുപരിചിതരാണ്. സോഷ്യല്‍ മീഡിയകളില്‍ നിറഞ്ഞ് നില്‍ക്കുകയാണ് ഇവര്‍. യൂട്യൂബില്‍ കുടുംബത്തിലെ എല്ലാവര്‍ക്കും തന്നെ ചാനലുകള്‍ ഉണ്ട്. മൂത്ത മകള്‍ അഹാന സിനിമ രംഗത്ത് തന്നെയാണ്. താരം നായികയായി തിളങ്ങുകയാണ്.

അടുത്തിടെ കൃഷ്ണകുമാര്‍ തന്റെ രാഷ്ട്രീയ അഭിമുഖ്യം വെളിപ്പെടുത്തിയിരുന്നു. താന്‍ എന്‍ഡിഎയെ പിന്തുണയ്ക്കുന്നുവെന്നും മോദി മികച്ച പ്രധാനമന്ത്രി ആണെന്നും അദ്ദേഹം പറഞ്ഞിരുന്നു. മാത്രമല്ല തദ്ദേശ തിരഞ്ഞെടുപ്പ് അടുത്തതോടെ എന്‍ഡിഎ സ്ഥാനാര്‍ത്ഥികള്‍ക്കായി വോട്ട് ചോദിക്കാന്‍ കൃഷ്ണകുമാര്‍ മുന്‍പന്തിയിലുണ്ട്. തെരഞ്ഞെടുപ്പ് പ്രചരണത്തില്‍ പങ്കെടുക്കുന്നതിന്റെ ചിത്രങ്ങളും വിവരങ്ങളും കൃഷ്ണകുമാര്‍ സോഷ്യല്‍ മീഡിയകളില്‍ പങ്കുവെയ്ക്കാറുമുണ്ട്. ഇപ്പോള്‍ സോഷ്യല്‍ ലോകത്ത് ശ്രദ്ധേയമാകുന്നത് കൃഷ്ണകുമാറിനോട് ഒരാള്‍ കമന്റായി ചോദിച്ച ചോദ്യവും അതിന് താരം നല്‍കിയ മറുപടിയുമാണ്.

ചേട്ടാ..ചേട്ടന്റെ പ്രവര്‍ത്തനത്തിനെ മാനിക്കുന്നു.. പക്ഷെ ചേട്ടന്‍ പ്രസംഗിച്ചയിടങ്ങളില്‍ പാര്‍ട്ടി തോറ്റു പോയാല്‍ എന്തായിരികും ചേട്ടന്റെ പ്രതികരണം.. ഇപ്പൊ ഉത്തരം പരയണ്ട.. തോല്‍ക്കതിരിക്കട്ടെ.. എന്നായിരുന്നു ജില്‍ ജോയ് എന്നയാള്‍ കമന്റായി കൃഷ്ണകുമാറിന്റെ ഒരു പോസ്റ്റിന് താഴെ കുറിച്ചത്. ഇതിന് താരം നല്‍കിയ മറുപടിയാണ് ഏറെ ശ്രദ്ധേയം. ‘കര്‍മം ചെയ്യുക … കര്‍മഫലം.. അത് എപ്പോള്‍, എങ്ങനെ, എത്ര.. അത് ദൈവതീരുമാനം..’ എന്നായിരുന്നു കൃഷ്ണകുമാറിന്റെ മറുപടി. നിരവധി പേര്‍ അദ്ദേഹത്തിന്റൈ പ്രതികരണത്തെ പിന്തുണച്ച് രംഗത്ത് എത്തുന്നുണ്ട്.