വൈദ്യുതി ലൈനുകൾ പൊട്ടിവീണിട്ട് ദിവസങ്ങൾ, പരാതിപ്പെട്ടിട്ടും തിരിഞ്ഞുനോക്കാതെ കെഎസ്ഇബി, പൊലിഞ്ഞത് ഒരു ജീവൻ

തിരുവനന്തപുരം: കെ എസ് ഇ ബി അധികൃതരുടെ അനാസ്ഥമൂലം വീണ്ടും ഒരു ജീവൻകൂടി നഷ്ടമായി, ദിവസങ്ങളായി പൊട്ടിക്കിടന്ന വൈദ്യുതിലൈനിൽ ചവിട്ടി വയോധികന് ദാരുണാന്ത്യം. നെയ്യാറ്റിൻകര ചായ്ക്കോട്ടുകോണത്ത് നടൂർകൊല്ല  തൈത്തൂർ വിളാകത്ത് വീട്ടിൽ ബാബു (68) ആണ് മരണപ്പെട്ടത്

സ്വകാര്യ വ്യക്തിയുടെ തെങ്ങ് മറിഞ്ഞ് വീണ് വൈദ്യുതി ലൈൻ പൊട്ടിവീണിട്ട് ദിവസങ്ങളായിരുന്നു. സമീപവാസികൾ സമീപത്തെ മാരായമുട്ടം കെഎസ്ഇബി ആഫീസിൽ അറിയിച്ചെങ്കിലും ഓഫീസ് അധികൃതർ നടപടി സ്വീകരിച്ചില്ല. വൈദ്യുതിലൈൻ പൊട്ടിവീഴുമ്പോൾ ഓട്ടോമാറ്റിയ്ക്കായി വൈദ്യുതിബന്ധം വിച്ഛേദിക്കുന്ന രീതിയിലുള്ള സുരക്ഷാക്രമീകരണങ്ങളെല്ലാം കെ എസ്ഇബിയിലുണ്ട്, അതൊന്നും ശരിയായ രീതിയിൽ പ്രവർത്തിപ്പിക്കാതെ സുരക്ഷാപിഴവുകളും ഒരു മരണത്തിന് കാരണമായിരിക്കുകയാണ്.

തെങ്ങുകയറ്റ തൊഴിലാളിയായ ബാബു രാവിലെ നടന്നുവരുന്ന സമയത്താണ് വൈദ്യുതി ലൈനിൽ തട്ടി ഷോക്കേറ്റ് മരണപ്പെട്ടത്
മാരായമുട്ടം പോലീസ് സ്ഥലത്തെത്തി  മൃതദേഹം നെയ്യാറ്റിൻകര ജനറൽ ആശുപത്രിയി മോർച്ചറിയിലേക്ക് മാറ്റി
മാരായമുട്ടം പോലീസ് കേസെടുത്തു