ലോഡ്ജിൽ യുവതിക്ക് ക്രൂരമർദനം, കൊച്ചിയിൽ ഹോട്ടലുടമയും സുഹൃത്തും അറസ്റ്റിൽ

കൊച്ചി : ടൂറിസ്റ്റ് ഹോമിൽ യുവതിക്ക് ക്രൂരമർദനം. സംഭവത്തിൽ ഹോട്ടലുടമ ബെൻ ജോയ് (38), സുഹൃത്ത് ഷൈജു(44) എന്നിവരെ പോലീസ് അറസ്റ്റ് ചെയ്തു. യുവതിയും ഹോട്ടലുടമ ബെൻ ജോയിയും തമ്മിലുള്ള വാക്ക് തർക്കമാണ് മർദ്ദനത്തിൽ കലാശിച്ചത്. ഞായറാഴ്ച രാത്രി പതിനൊന്നുമണിയോടെയായിരുന്നു സംഭവം.
എളമക്കര സ്വദേശിയായ ഇരുപത്തിനാലുകാരിയാണ് ആക്രമണത്തിന് ഇരയായത്.

ഹോട്ടലുടമ യുവതിയുടെ കവിളിൽ മൂന്ന് തവണ മർദ്ദിച്ചതായാണ് ആരോപണം. ഇതിന്റെ സിസിടിവി ദൃശ്യങ്ങളും പുറത്തുവന്നിട്ടുണ്ട്. യുവതിയും സു​ഹൃത്തുമടക്കം എട്ട് പേരുണ്ടായിരുന്നു. ഇവർ രണ്ട് റൂമുകളാണ് എടുത്തിരുന്നത്. രാത്രിയിൽ ഇവർ മുറിക്കുള്ളിൽ മദ്യപിച്ച് ബഹളമുണ്ടാക്കുകയായിരുന്നു.

ഇതോടെ റൂം ഒഴിഞ്ഞ് പോകണമെന്നും ഹോട്ടലുടമ ആവശ്യപ്പെടുകയായിരുന്നു. ഇതോടെ പണം തിരികെ നൽകണമെന്ന് യുവതി പറഞ്ഞു. തർക്കം രൂക്ഷമായതോടെ യുവതിയെ ഹോട്ടലുടമ ക്രൂരമായി മർദ്ദിക്കുകയായിരുന്നു. ഇതോടെ യുവതി പൊലീസിന് പരാതി നൽകി. തുടർന്ന് പോലീസ് എത്തി ഹോട്ടലുടമയേയും സുഹൃത്തിനേയും അറസ്റ്റ് ചെയ്യുകയായിരുന്നു.