വിമാന യാത്രയ്ക്കിടെ കുഞ്ഞിന് ജന്മം നൽകി; ഗർഭിണിയാണെന്ന് അറിഞ്ഞിരുന്നില്ലെന്ന് യുവതി

ഇക്വഡോർ: യുവതി വിമാന യാത്രയ്ക്കിടെ യുവതി പ്രസവിച്ചു. എന്നാൽ താൻ ഗർഭിണിയാണെന്ന വിവരം അറിഞ്ഞിരുന്നില്ല എന്നായിരുന്നു യുവതിയുടെ വാദം. ഇതുകേട്ട യാത്രക്കാരും ജീവനക്കാരും ഞെട്ടി. ഇക്വഡോറിലെ ഗുയാക്വിലിൽ നിന്ന് ആംസ്റ്റർഡാമിലേക്കുള്ള കെഎൽഎം റോയൽ എന്ന ഡച്ച് വിമാനത്തിലാണ് സംഭവം. ഇക്വഡോറിൽ നിന്ന് സ്‌പെയിനിലേക്കുള്ള യാത്രയിലായിരുന്നു യുവതി. ആംസ്റ്റർഡാമിൽ എത്തുന്നതിന് മണിക്കൂറുകൾക്ക് മുമ്പ് യുവതിക്ക് വയറുവേദനയുണ്ടായി. വിമാനത്തിലെ വാഷ്‌റൂമിൽ വെച്ചാണ് ഇവർ കുഞ്ഞിന് ജന്മം നൽകിയത്.

യുവതിക്ക് വലിയ രീതിയിലുള്ള വയറുവേദനു അനുഭവപ്പെട്ടതോടെ വാഷ് റൂമിൽ പോകുകയായിരുന്നു. താൻ ഗർഭിണിയാണെന്ന് ടമാരക്ക് അറിയില്ലായിരുന്നുവെന്നും സംഭവത്തിൽ ഞെട്ടിപ്പോയെന്നുമാണ് അധികൃതർ പ്രതികരിച്ചത്. ഓസ്ട്രിയയിൽ നിന്നുള്ള രണ്ട് ഡോക്ടർമാരും ഒരു നഴ്സും വിമാനത്തിലുണ്ടായിരുന്നു. ഇവരാണ് യുവതിക്ക് ആവശ്യമായ പരിചരണം നൽകിയത്.

അമ്മയും കുഞ്ഞും സുഖമായിരിക്കുന്നുവെന്ന് കെഎൽഎം എയർലൈൻ അറിയിച്ചു. ഷിഫോളിൽ എത്തിയപ്പോൾ അമ്മയെയും നവജാത ശിശുവിനെയും ആംബുലൻസിൽ സ്പാർനെ ഗാസ്തൂയിസിലേക്ക് മാറ്റി. വിമാനത്തിൽ ടമാരയെ സഹായിച്ച യാത്രക്കാരിൽ ഒരാളായ മാക്‌സിമിലിയാനോ എന്നയാളുടെ പേരുതന്നെയാണ് കുഞ്ഞിനും നൽകിയിരിക്കുന്നത്.