അമ്മയുടെ മരണത്തിൽ ആശ്വാസമേകിയവരോട് എത്ര നന്ദി പറഞ്ഞാലും മതിയാവില്ല- ലക്ഷ്മി ഗോപാലസ്വാമി

നടി ലക്ഷ്മി ഗോപാലസ്വാമിയുടെ മാതാവ് ഉമാ ഗോപാലസ്വാമി അന്തരിച്ചത് അടുത്തിടെയാണ്. ഇൻസ്റ്റഗ്രാം പോസ്റ്റിലൂടെ നടിതന്നെയാണ് ഈ വിവരം അറിയിച്ചത്. ഇപ്പോളിതാ ജീവിതത്തിലെ ഏറ്റവും വലിയ വിഷമഘട്ടത്തെ അതിജീവിച്ച് വരികയാണ് ലക്ഷ്മി ഗോപാലസ്വാമി. അടുത്തിടെയായിരുന്നു താരത്തിന്റെ അമ്മയുടെ വിയോഗം. അമ്മ പോയെന്നും കര്‍മ്മങ്ങള്‍ നടത്തിയെന്നും, എല്ലാവരും അമ്മയുടെ ആത്മശാന്തിക്കായി പ്രാര്‍ത്ഥിക്കണമെന്നും താരം പറഞ്ഞിരുന്നു. ഇന്‍സ്റ്റഗ്രാം പോസ്റ്റിലൂടെയായാണ് ലക്ഷ്മി അമ്മയുടെ വിയോഗവാര്‍ത്ത അറിയിച്ചത്.

നവരാത്രിക്കുള്ള തയ്യാറെടുപ്പിനിടയിലായിരുന്നു അമ്മ മരിച്ചത്. പ്രിയപ്പെട്ടവരെല്ലാം ലക്ഷ്മിയേയും സഹോദരനേയും ആശ്വസിപ്പിച്ചിരുന്നു. ഞങ്ങളുടെ ലോകം തന്നെ അവസാനിച്ചുവെന്നാണ് കരുതിയത്. നിശ്ചലമായി നില്‍ക്കുന്ന അവസ്ഥ മാറിവരികയാണ്. ആ ദു:ഖത്തില്‍ നിന്നും പതിയെ കരകയറി വരികയാണ് എല്ലാവരും. അമ്മയുടെ ആത്മശാന്തിക്ക് വേണ്ടിയുള്ള പ്രാര്‍ത്ഥന ഇനിയും തുടരണം. വിഷമഘട്ടത്തില്‍ കൂടെ നിന്ന് ഞങ്ങളെ ആശ്വസിപ്പിച്ച എല്ലാവരോടും നന്ദി പറയുന്നു. നല്ല വാക്കുകളും പ്രാര്‍ത്തകളുമെല്ലാം ഞങ്ങള്‍ക്ക് വലിയൊരു ആശ്വാസമായിരുന്നുവെന്നുമാണ് താരം കുറിച്ചത്.

മലയാളികളുടെ പ്രിയപ്പെട്ട നടിയാണ് ലക്ഷ്മി ഗോപാല സ്വാമി. നിരവധി ചിത്രങ്ങളിലൂടെ മലയാളികളുടെ പ്രിയ താരമായി മാറിയ ലക്ഷ്മി ഒരു മികച്ച നർത്തകി കൂടിയാണ്. ലോഹിതദാസിന്റെ സംവിധാനത്തിൽ 2000ൽ പുറത്തെത്തിയ അരയന്നങ്ങളുടെ വീട് എന്ന ചിത്രത്തിലൂടെ ആയിരുന്നു ലക്ഷ്മി ഗോപാലസ്വാമിയുടെ അരങ്ങേറ്റം. ചിത്രത്തിൽ നായകനായി എത്തിയത് മമ്മൂട്ടി ആയിരുന്നു.