ഇനി വിവാദങ്ങളും വിമർശനങ്ങളും ഒന്നും വേണ്ട, അതുകൊണ്ട് വളരെ കെയർഫുൾ ആണ്- ലക്ഷ്മി നായർ

കുക്കറി ഷോയിലൂടെ പ്രേക്ഷകർക്ക് പ്രീയങ്കരിയായ താരമാണ് ലക്ഷ്മി നായർ. തിരുവനന്തപുരം ലോ അക്കാഡമി പ്രിൻസിപ്പലായിട്ടും ലക്ഷ്മി സേവനമനുഷ്ഠിച്ചിട്ടുണ്ട്. പാചക സാഹിത്യത്തിൽ മൂന്ന് പുസ്തകങ്ങൾ രചിച്ചിട്ടുണ്ട്. മാജിക് ഓവൻ സീരീസിൽ പാചക കല, പാചകവിധികൾ, പാചക രുചി എന്നിവയാണ് അവ. 1988 മെയ് ഏഴിനാണ് വിവാഹം നടന്നത്. നായർ അജയ് കൃഷ്ണൻ എന്നാണ് ഭർത്താവിന്റെ പേര്. സോഷ്യൽ മീഡിയയിൽ സജീവമാണ് താരം. യൂട്യൂബിലൂടെയൊക്കെ ആരാധകരുമായി നിരന്തരം സംവദിക്കാറുണ്ട്.

അതേസമയം, വളരെ അപൂർവ്വമായിട്ടേ അഭിമുഖങ്ങളിൽ ലക്ഷ്മി നായർ പങ്കെടുക്കാറുള്ളു. അതിന്റെ കാരണമാണ് ലക്ഷ്മി ഇപ്പോൾ പറയുന്നത്. വാക്കുകൾ, “അഭിമുഖം വളരെ കുറച്ചേ കൊടുത്തിട്ടുള്ളു. അക്കാര്യത്തിൽ വളരെ സെലക്ടീവാണ്. ഇപ്പോൾ നമ്മൾ കൊടുത്തത് പോലെ ആണെങ്കിൽ ഒക്കെ. ഇപ്പോഴത്തെ ട്രെൻഡ് നമ്മൾ പറയുന്നതിൽ നിന്നും കുറച്ച് ഭാഗം എടുത്തിട്ട് വാർത്തയാക്കുന്നത്. നമ്മുടെ പെർമിഷൻ ഇല്ലാതെ അതങ്ങ് സെലിബ്രേറ്റ് ചെയ്യും. അതിന്റെ ആവശ്യം ഇല്ലല്ലോന്ന് പലപ്പോഴും തോന്നും. ഇനി വിവാദങ്ങളും വിമർശനങ്ങളും ഒന്നും വേണ്ടെന്നുള്ളതാണ്. അതുകൊണ്ട് വളരെ കെയർഫുൾ ആണ്

യൂട്യൂബ് തുടങ്ങുന്നതിന് മുൻപ് എനിക്ക് ഒരുപാട് വിമർശനങ്ങൾ കേൾക്കുന്നുണ്ടായിരുന്നു. പക്ഷേ യൂട്യൂബ് തുടങ്ങിയതിന് ശേഷം അതിലൊരുപാട് മാറ്റം വന്നിട്ടുണ്ടെന്നതാണ്. ഞാൻ ആരാണെന്നും എന്താണെന്നും എന്നിലൂടെ തന്നെ ആൾക്കാർ മനസിലാക്കി തുടങ്ങി. യൂട്യൂബ് സ്വന്തം ഫാമിലി പോലെയാണ്. അവരെന്നെ സ്‌നേഹിക്കുകയും തിരിച്ച് സ്‌നേഹിക്കാനുമൊക്കെ പറ്റുന്നുണ്ട്